Amos 2:11 - Katɔti Ɔku Kedee

¹¹ Lɛ́bla bina bebi bananabi badi na badi mina kenye bediene. Na lídie bana badi líse sɛsɛɛ úte mina kabla na baalɔ-ma Nasareƒuɔ. Ala amɛni ƒui amii Israelƒuɔ bɛgyi ka adi litemi geen. Ami Unwoti násu!

Amos 2:11 ပူးပေါင်းရင်းမြစ်များ

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Baga 1 19:16

Na ewi Nimsi ubidi Yehu lɛnɔ nnɔmii lili na ese-nwu Israelƒuɔ ɔga. Na ewi Saƒat ubidi Elisa ɔni na ɔ́si Abel-Mehola nnɔmii lili na uti-ɔ kenyekɔ aani kenye udiene kalɛ.

Baga 1 20:13

Uwi ɔmɛni kani kemmo ni, kenye udiene ɔdi úbo Israelƒuɔ Ɔga Ahab kudɔ úbakɔ lɛsa ɔ́su ɔnini, “Lɛni na Unwoti ɔɔsu ɔnii, ‘Bɛɛnu bekpone lisu bonwu bamɛni? Ndubo-ma buti bɔkya bina enu kemmo ɔmwi kadi, na mmɔ na bɛdubo bɔnu bɔti ka Unwoti na ndi.’ ”

Baga 1 20:35

Na Unwoti ɔda bubo kenye ni, kenye udiene ɔdi ubidi ɔnanabi ɔ́su nwuna kenye udiene kpana ɔnini, “Ti ƒula ekpola ani na ada mmɔ ƒiɛmi-mi.” Nsu nwuna ɔkpana ɔmmɔ úni.

Baga 1 20:41

Ka kenye udiene ɔmmɔ ɔnya ɔ́su lɛni ɔ́wɔlɔ kani ɔ́ƒɛnimi kɔdi kɔmmɔ údie nwuna anumi. Mmɔ kani na ɔga ɔmmɔ ɔ́nu-nwu ɔ́ti ka ɔdi kenye bediene bammɔ kemmo unwi.

Baga 1 22:8

Amu na Israelƒuɔ ɔga údie Yehosaƒat kenye ɔnini, “Kenye udiene unwi ɔdi úbu ɔni na bɔkana buye-nwu Unwoti kasusu bunu, nsu muukisi-nwu. Ɔsika ulédie kenye kabuni biala na mina lɛlɔ. Na kenye biala wasu mina lɛlɔ kaaadia. Na anwu baalɔ Mikaia, na ɔdi Imla ubidi.” Amu na Yehosaƒat ɔ́su Israelƒuɔ ɔga ɔnini, “Útalɛka asu lɛni.”

Baga 2 17:13

Unwoti úbo-ma ɔda geen ɔkɛnku nwuna bekyuli ku kenye bediene bani na ɔ́tala ɔ́kya Israelƒuɔ ku Yudaƒuɔ lɛlɔ ɔnini, “Binwini bina ɔbladu ukpidi ɔmmɔ kama. Na bitaadi mina ɔda bubo ku mina bunyimi lɛlɔ ɔkɛnku ɔda bubo bɔni ƒui na líte bina bati ka bataadi-mu lɛlɔ ku kalɛ na mina kabla bablane ku kenye bediene básu-mii lɛlɔ.”

Baga 2 6:1

Limeyi lɛdi ni, kenye bediene lɛkpa lɛni na ama ku Elisa baasa ni, básu-nwu banini, “Kesii kani bulie mɛni kese blii suɛ kete-bu.

Ala Alɛdi 2 36:15

Nsu Unwoti Katɔti kadi bekyuli bammɔ lɛlɔ lɛ́kywi-nwu kaƒɔ na ɔni na ɔkyula kakpakɔ kammɔ na kayii udu ni, bɔtala mmomu na ɔ́tala nwuna kenye bediene na bábadɔnku-ma kɔlɛ kɔlɛ na bana ekpidi ɔsu.

Yeremia 11:21

Unwoti ɔnini, “Yeremia, bekyuli badi bási ƒula ɔma Anatos bani násu ka badubo-ɔ bɔdu si amu enye eedie-mi kenye.

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Yeremia 26:11

Uwi ɔni na bekyuli bása na beli beenú ni, bakpane ku kenye bediene bammɔ básu kasalakɔ bekyuli bammɔ banini, “Bina ƒui bínu ka Yeremia ɔ́su úse ka badubɔbwɛ Yerusalem. Na ɔmɛni ɔsu ɔlɛka badu-nwu aani nwuna kɔtu bɔni.”

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Kɔnyana Buwulo 4:7

Yerusalem batɔnkune bétebie na beekeye aani etubankɛ iye aani si nnɔmii báwɛɛ. Na bebo ɔlɔkplu na baadia bɔnu aani asɛɛ ebi ani náƒɔ kuye na aatu anumi.

Mika 2:6

Na si mɔɔsu-mii lɛla lɛdi ni, bɛsɔ bitasu bɛnii lɛsa na mɔɔkɔ́ teewi-mii ndubɔya na kɔƒa kukpo-mii. Bitasu bɛnii Katɔti uláya na kɔƒa kukpo-mii.

Batalane Kabla 4:18

Na básɔ bálɔ-ma béboku bana kasalakɔ mmɔ na bábala-ma ka ɔ́si ɔƒɛni ni, basɔ batasu ukyuli ɔdi litemi na Yesu lɛnyi kemmo.

Batalane Kabla 5:28

ɔkpane unengudi úye-ma ɔnini, “Bútasu-mii bɔnii bɛsɔ bitasu litemi lɛdi bitasiku Yesu ɔmɛni lɛlɔ iye? Nsu bíigyingya etemila amɛni bíyile Yerusalem ƒui. Na bɛɛwia ka biti nwuna kukpi kɔtu bɔni bɛsia-bu lɛlɔ!”

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.

Samuel 1 19:20

Anwuɔsu Saul ɔ́tala bekyuli badi ɔnii bétéƒie Dawid beboku. Nsu ka batu bammɔ bétédu mmɔ ni, bánu ka Samuel ɔtɔnku kenye bediene lisu lɛdi na benye beebo Katɔti kudu buteebo ku adi lidu. Na mmɔ ni, Katɔti Kɔyu kɔ́ƒɔ Saul batu bammɔ lɛlɔ kemmo na ama lɛnɔ bése kalɔ beebo Katɔti kudu aani bana kalɔ.

Samuel 1 3:20

Ɔmmɔ ɔsu ni, Israel kalɔ lɛlɔ bekyuli ƒui ɔ́si ɔma ɔni baalɔ Dan útédu Beer-Seba ni, bánu ɔmmɔ báti na beedie kenye ka Samuel ɔdi Unwoti Kenye Udiene.