Amos 2:10 - Katɔti Ɔku Kedee

¹⁰ “Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.

Amos 2:10 ပူးပေါင်းရင်းမြစ်များ

Nehemia 9:21

Na akwa aavlene sɔɔn áda-ma na ketele kemmo, na bátayaki kulɛla. Na bana adala lɛnɔ átabuɛ iye ɔdi lɛgba lɛ́ta líƒu.

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Esekiel 20:10

Anwuɔsu na lɛ́ya na bálɛ mmɔ na lɛ́tɔnku-ma lísienku kalɔ kakwiidi kammɔ kemmo.

Amos 3:1

“Israelƒuɔ, ami nékpo na lɛ́ƒɔ-mii lɛ́siku Egyipteƒuɔ enu kemmo. Nsu bise atu na binu bɔdɔnku bɔni na mɔɔdɔnku-mii.

Amos 9:7

“Israelƒuɔ, ami ndi Unwoti Katɔti, na buse na Kusiƒuɔ bese bete-mi aani bina kalɛ. Ɔsika kalɛ na lɛ́kpanku-mii lɛ́siku Egyipte kalɔ lɛlɔ ni, lɛni kani na lɛ́kpanku Ƒilistiƒuɔ lɛ́siku Kaƒtor. Na lɛ́kpanku Siriaƒuɔ lɛ́siku Kir.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Bumomo Bɔka 13:32

Na batalane bamɛni bégyingya bana etemila ekpidi amɛni bákya Israelƒuɔ akɔ. Na básu-ma banini, “Kalɔ kammɔ muedi kalákana edula bɔnwu kaduɛ. Na bekyuli bani udu nli kalɔ kammɔ kemmo bákuku na bébomo.

Bumomo Bɔka 21:25

Na Israelƒuɔ békpo báƒɔ Amoriƒuɔ lɛma linengudi ƒui na béti-ni ku Hesbon ku lɛma lɛni nde-ni ƒui.

Bumomo Bɔka 32:13

Na ɔmmɔ ɔsu Unwoti úti kɔnyi kpakplaa ɔ́kya Israelƒuɔ na ɔ́ya na bakɛ baaka taamana ketele kalɔ kakwiidi kammɔ kemmo akwa aavlene sɔɔn útédu ka kaba kani bekyuli nábla likpidi na Unwoti anumi békpi báyii udu.

Batalane Kabla 13:18

Na ɔ́nu-ma lɛlɔ na ketele kemmo ɔni na bákɛ baaví laa na akwa aavlene kemmo.

Batalane Kabla 7:42

Ɔmɛni ɔsu na Katɔti únwini kama ɔ́kya-ma, na ɔ́nyonu-ma. Na bákya bátaakpa ɔƒɛ ku kɔbuli ku ayabi. Ɔmɛni ndi lɛla lɛni na Katɔti kenye bediene bénweni bákya Bunweni Kedee Ɔku kemmo banini, “ ‘Israelƒuɔ, ɔɔɔdi ami na bíti bebuo ku baƒonu bɛ́bla akpala bíte akwa aavlene ani na bɛ́kya ketele kemmo mmɔ

Lɛkpa Ulu 1:39

Amu na Katɔti ɔ́su bula ƒui ɔnini, “Bina bebi bani nátabi tɔ lɛlɔ kalɛ banu lɛbuni ku likpidi bati ni, bana lɛgba ndubɔnya kalɔ kammɔ lɛlɔ. Bebi bani bɛ́kya bítaasu bɛnii bina bekisine badubukpo bɔƒɔ ni, ama ndubo kalɔ kammɔ lɛlɔ bulie.

Lɛkpa Ulu 2:7

Na bínyimo kalɛ na bina Unwoti Katɔti úte-mii kusɛ kusɛ na bina kabla biala kemmo. Na anwu nákya-mii akɔ na ɔ́nu-mii lɛlɔ na kalɔ kakwiidi bonwu kamɛni kemmo akwa aavlene sɔɔn na bítayaki lɛla lɛdi.

Yosua 13:4

Ɔlɛka bikpoku Kanaanƒuɔ ku Me-Araƒuɔ ku kɔlɔ kɔni na Sidonƒuɔ baadi-ku lɛlɔ útédu Aƒek na Amoriƒuɔ ɔmii lɛlɔ

Yosua 24:8

“Amu na líti-mii líboku Amoriƒuɔ bani nlie Yordan Ketu ɔƒɛ katukɔ. Na báta bébekpoku-mii na líti-ma lɛ́kya bina enu kemmo na lɛ́yila-ma udu na bina anumi. Na bíti bana kalɔ bɛbla bina kadikɔ.