Amos 2:1 - Katɔti Ɔku Kedee

¹ Unwoti ɔnini, “Ndubo Moabƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Bákyula Edom ɔga ekubi bénwini ntɔ na bátabu-nya.

Amos 2:1 ပူးပေါင်းရင်းမြစ်များ

Baga 2 3:9

Ɔmmɔ ɔsu Ɔga Yehoram ku Yudaƒuɔ ɔga ku Edomƒuɔ ɔga báyu ulu. Na ka bésie bávi laa emeyi maatɛ ni, bana ntu bɔnidi búbasa. Na ntu biala buuubo na ama iye bana bebuo bani.

Agba 15:3

Unwoti ɔɔnu kesi kesii, na nwuna lɛnumi lɛsia bekyuli bekpidi ku babuni lɛlɔ.

Yesaia 11:14

Mmomu badubɔsala lɛlɔ na babwɛ bayu Ƒilistiƒuɔ besie ɔƒɛ kanukɔ. Na basi mmɔ betékpoku kadi kani bekyuli nkya bésie ɔƒɛ katukɔ.

Yesaia 16:6

Mmɔ na ama básu banini, “Búnu Moab kadi bekyuli lɛlɔtina. Na bɔ́ti kalɛ na beekú lɛlɔ na balábu, ku kalɛ na baakɔliku lɛlɔ katɔ ukpludi.”

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Yeremia 25:21

Na lísie Edom ku Moab ku Amonƒuɔ baga lɛnɔ kudɔ.

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Amos 1:13

Unwoti ɔnini, “Ndubo Amonƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔ́wawa baƒɔndane ɔ́du na Gilead kalɛ na uti kalɔ kammɔ ɔsu.

Amos 1:3

Unwoti ɔnini, “Ndubo Siriaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔsika béminime ligyigba lɛni lɛlɔ na bébo kɔbwɛlɛ bálɛ bávinku Gileadƒuɔ lɛlɔ.

Amos 1:6

Unwoti ɔ́sɔ ɔ́su ɔnini, “Ndubo Gasaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane.

Amos 1:9

Unwoti ɔnini, “Ndubo Tiroƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane na bátadi bana unwi bɔbla bunyimi lɛlɔ.

Amos 2:4

Unwoti ɔnini, “Ndubo Yudaƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Béni mina ala ani mɔɔtina-ma na banii baladi mina litemi lɛlɔ. Na baƒiɔ bani na bana bati kuuku bákpa na baaadi lɛla lɛdi bákpanku-ma na báyii ulu.

Amos 2:6

Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”