Amos 1:5 - Katɔti Ɔku Kedee

⁵ Na ndubɔƒɛ Damasko ɔma ɔban kayakun lɛbuala lɛni baabala-ka. Na lɛyila Awen Kɔwɛ bekyuli udu ku Bet-Eden ɔga. Na ndubɔya na bekpo na beƒie Siriaƒuɔ ƒui batɔlɔku besienku Kir kalɔ lɛlɔ. Ami Unwoti násu.”

Amos 1:5 ပူးပေါင်းရင်းမြစ်များ

Baga 2 14:28

Na Yerobeam ɔ́bla ala bamba ani nálɛ kɔsia na nwuna kekpo ku kayi kani na úse na kekpo kemmo. Úkpo ɔ́ƒɔ Damasko ku Hamat lɛma ɔ́sɔku úboku Israel kalɔ kemmo. Na bénweni-nya bákya Israelƒuɔ baga lɛlɔ kɔtɛ ɔku kemmo.

Baga 2 16:9

Na ka Asiriaƒuɔ ɔga únu litemi lɛmɛni ni, útiku nwuna bekpone na bétékpoku Damaskoƒuɔ. Na bádu Ɔga Resin. Na béti bekyuli bakladi bammɔ bésienku Kir, batɔntɛne kalɛ.

Yesaia 22:6

Elam kadi bekyuli bálɛku bana atula aƒo keyi, na bani nlie bapɔnkɔ kɛɛkɛ kemmo ku bani nlie bapɔnkɔ lɛlɔ lɛnɔ báda bálɛ. Na Kir kadi bekyuli bédie kayi bɔgyumana abuala keyi.

Yesaia 43:14

“Ami ndi Unwoti Israel Katɔti Kedee. Na mɔɔwia ka binu kenye kani na muusé-mii. Na amii ɔsu ni, ndubɔtala bekpone badi na Babel kalɔ lɛlɔ na batákpɛ-ma balɛku mmɔ ku keku uwi ɔni na baatɔlɔ.

Yesaia 8:4

Na asa na ubi ɔmmɔ ɔdubɔti bɔsu ɔnii, ‘Mina Ati’ iye ‘Nna’ ni, Asiriaƒuɔ ɔga úuti Damasko lɛlakɛ ku ala ani na ɔdubuƒie ɔƒɔ na Samaria ɔ́tɔlɔku uwi ɔmmɔ.”

Yeremia 50:36

Na kekpo kamɛni ndubɔya na bɛti ka bina kenye bediene badi ɔkɔ banyine ku badɔlɔdi. Na kekpo kammɔ kadubo bina bekpone liƒu bɔda geen.

Yeremia 51:30

Babilonƒuɔ bekpone báyila bana ɔyikun ku ɔtɔtɔ na báƒɔ lɛlɔ bakya bana kagyumanakɔ lɛtɔ kemmo na balakana na bekpo uwi ɔni na bana bekisine baabwɛ bana ɔma awodu taasia ɔban kenye teeduo-ma lɛlɔ na baatu ogya taakya bana kɔduli.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Esekiel 27:23

“ ‘Lɛni kani na awɔ ku bekyuli bani na bási lɛma linengudi lɛni ndi Haran ku Kane ku Eden ku Seeba ku Asur ku Kilmad bɛ́di kuye bɛ́sala.

Esekiel 30:17

Bekpone bakɔdi bani ƒui nkya Heliopoli ku Bubastis ƒui badubo bukpi na kekpokɔ na beƒie bekyuli bakladi batɔlɔku aani batɔntɛne.

Hosea 10:8

Na akpabi ani na abi eli mmɔ ƒui adubɔyii udu ka ɔkɛnku bana lɛlɔ ɔsu na Israel ɔ́bla likpidi. Na liyu alakpi ku livo bamba ndubo bɔkwɛ na mmɔ ƒui. Na liƒu ɔsu ni, bekyuli bammɔ badubɔkpali basu abi ammɔ banini, “Bɛbɛla-bu!” Na badubɔsu abinkpo lɛnɔ banini, “Bibebi-bu lɛlɔ!”

Amos 5:5

Na bitesie Gilgal iye Betel iye Beer-Seba. Ɔsika Gilgal ku nwuna bekyuli bammɔ ƒui kekpo kadubo kebeƒie-ma na beti-ma batɔlɔku. Na bayila Betel udu kede kede na ɔsɔ uladi lɛla lɛdi.”

Amos 9:7

“Israelƒuɔ, ami ndi Unwoti Katɔti, na buse na Kusiƒuɔ bese bete-mi aani bina kalɛ. Ɔsika kalɛ na lɛ́kpanku-mii lɛ́siku Egyipte kalɔ lɛlɔ ni, lɛni kani na lɛ́kpanku Ƒilistiƒuɔ lɛ́siku Kaƒtor. Na lɛ́kpanku Siriaƒuɔ lɛ́siku Kir.

Nahum 3:13

Ƒula bekpone bese aani beleku, na ogya ɔ́kyula ƒula ɔban kayakun lɛbalala, na kayakun kammɔ kálɛmi kewi kéte ƒula bekisine ka beduo.