Amos 1:2 - Katɔti Ɔku Kedee

² Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Amos 1:2 ပူးပေါင်းရင်းမြစ်များ

Kɔgya 29:4

Unwoti lɛdi libo ogya geen na lɛɛtina nwuna lɛgadi ɔyikun.

Kɔgya 46:6

Liƒu lɛɛda kadi bekyuli ƒui. Na baga ku bana lɛga kɔdikɔ kɔɔbwɛ. Katɔti údie lɛdi na kayawi ƒui kaakunku.

Agba 20:2

Ɔga kɔnyi kuse aani gyata bɔkwanyi. Si ákya-nwu kɔnyi ni, ƒula ngba na ákya ɔgbankpi kemmo.

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Yesaia 35:2

Kalɔ kakwiidi kammɔ ala ƒui adubɔlɛ anwula ani mɔɔtina ka lɛlɔ lɛɛyɔ́-ka, na beteebo kudu ku lɛlɔyɔ kɔvanu. Na kalɔ kammɔ ala ƒui adubɔlɛ enye ataanwami aani Lebanon abi akumiɔ. Na eteekeye aani Karmel Kɔbi iye Saron Ɔkwalɛ. Na banu kalɛ na Unwoti Katɔti lɛgadi liikeye.

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yeremia 12:4

Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”

Yeremia 14:2

“Yuda ku Yerusalem, biteewulo na kalɔ kammɔ bɔkwii ɔsu.

Yeremia 25:30

Unwoti ɔsɔ ɔ́su-mi ɔnii nsu bekyuli bammɔ ɔnini, “Ndubo bɔkwanyi momoomo aani kalɛ na katɔ keedu bɔsiku mina kakpakɔ kedee kemmo uwi ɔni na ndubo-ma butaanya teesusu aani kalɛ na baamana kutu.

Yeremia 28:8

kuuku uwi ɔni návi asa na badubɔwɔ ami ku-ɔ ni, kenye bediene ƒui baasu taatina ka lɛga kɔdikɔ kunengudi kɔni mbo ɔyiku bonwu ƒui badubo-ku bɔbwɛ na kekpo ku ɔgbankpi bamba lidu ku lɛlɛ ɔsu.

Yeremia 50:19

Nsu ndubɔsɔku Israel liboku nwuna kalɔ lɛlɔ. Na badubuse aani baƒonu bani ndubunye badi bemo na Karmel Kɔbi lɛlɔ na Basan kalɛkɛ kani nkya Eƒraim ku Gilead abi lɛlɔ kalɔ kemmo.

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.

Hosea 13:8

Na lɛduli-mii ligyingya aani kegidi kani bebi na béƒie bátɔlɔku. Na ndubo-mii ekubi bɔbwɛ aani eƒiebuo bamba ɔdi kalɛ.

Yoel 1:19

O Unwoti, muuwulo taakpali-ɔ, ɔsika livo ƒui líkpi na bula bebuo kadikɔ, na egyii lɛnɔ ákwii enye aani si ogya nákwii ɔ́vi.

Yoel 2:11

Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Yoel 3:16

Na Unwoti ɔɔkwanyi taasiku Sion Kɔbi lili ku lɛdi momoomo, na katɔ ku kalɔ ƒui kaakunku. Nsu Unwoti ɔmmɔ kani ndubɔbla katamikukɔ ku kagyumanakɔ kpakplaa ute nwuna kadi bekyuli Israelƒuɔ.

Amos 9:3

Si ina Karmel Kɔbi lili na bésie bátábɛ muedi ni, ndubo-ma bɔwia bɔnu na liƒie-ma. Si béduo ɛpu kalɔ ƒui lɛnɔ ni, ndubo liƒu kebweyi kammɔ ɔda bubo na ɔdu-ma na mmɔ.

Nahum 1:4

Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Samuel 1 25:2

Ɔlakɛne ɔdi ɔ́kya Karmel ɔma kemmo na Maon kalɔ kakwiidi kemmo mmɔ, na ubo egulabi geen. Ubo bese apim unwi ku baƒonu mpim ɛtɛ. Na úteekulo-ma linwini na Karmel mmɔ.