Amos 1:13 - Katɔti Ɔku Kedee

¹³ Unwoti ɔnini, “Ndubo Amonƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔ́wawa baƒɔndane ɔ́du na Gilead kalɛ na uti kalɔ kammɔ ɔsu.

Amos 1:13 ပူးပေါင်းရင်းမြစ်များ

Samuel 2 12:31

Únye bani ƒui na kekpo kéƒie mmɔ lɛlɔ, na útákya-ma kɔdadi ku anwami ku atumala bamba enu, na beekúlo atimbɔ. Na lɛni kani na ɔ́bla na Amonƒuɔ lɛma bamba kemmo ƒui lɛnɔ. Ɔmmɔ kama Dawid ku nwuna bekpone bammɔ bénwini bésie Yerusalem.

Baga 2 15:16

Na uwi ɔmmɔ ni, ka Menahem ɔ́si Tirsa ɔdubo ni, úbekpoku Tiƒsa ku ɔma ɔmmɔ ukyuli biala na ɔkya-nwu kemmo ku lɛma lɛni na amadɔ mmɔ bene ƒui ka bétenu kalɔ ka balɛmi bana ɔma awodu kɔyakun bete-nwu ɔsu. Na ɔ́bɔku Tiƒsa údie mmɔ na ɔ́ya na báwawa beleku bani nda nƒɔ ƒui.

Baga 2 24:2

Amu na Unwoti úti bekpone ɔ́siku Babilon ku Siria ku Moab ku Amon ka bétékpoku Yehoiakim na bayila Yudaƒuɔ udu aani kalɛ na Unwoti úti ɔ́siaku nwuna kenye bediene lɛlɔ ka ɔdubo Yuda bɔbla.

Baga 2 8:12

Amu na Hasael úye-nwu ɔnini, “Ati, bi ɔsu na eewulo?” Amu na Elisa údie kenye ɔnini, “Ɔsika ngyi kalala kani na adubo Israelƒuɔ bɔbla. Adubo ogya bɔtu bɔkya bana lɛma lɛni bátu awodu bamana, na adu bana bakloƒu na kuwii kenye, na eƒwimi bana banamu wɛlɛ wɛlɛ aƒiɛmi kalɔ, na aya na bawawa bana beleku baƒɔndane.”

Ala Alɛdi 2 20:1

Na uwi ɔdi kama ni, Moab kadi bekyuli ku Amon kadi bekyuli básala lɛlɔ ku Meuniƒuɔ badi na báta bétékpo Yehosaƒat.

Ala Alɛdi 2 20:10

“Aanu ka Amonƒuɔ ku Moabƒuɔ ku Edomƒuɔ bekpone benye beekpó-bu! Badi kɔlɔ kɔni bekyuli na nka awɔ Unwoti átatuna ka bula kadi bekyuli bekpo-ma uwi ɔni na bɔkɛ ulu bɔ́si Egyipte bɔdubo, anwuɔsu na bátayii udu.

Nehemia 2:19

Nsu uwi ɔni na Horonni Sanbalat ku Tobia ɔni ɔdi Amonni kabla ɔblane ku Arabini Gesem bénu litemi lɛmɛni ni, báma-bu na bánu-bu anumi klukui. Na béye-bu banii, “Bi bɔdaku bɔbla mɛni? Bɔɔyɔ́ ka bɔta bunye ɔga lɛlɔ?”

Kɔgya 83:7

Gebal ku Amon ku Amalek ku Ƒilistia ku Tire kadi bekyuli.

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Yeremia 25:21

Na lísie Edom ku Moab ku Amonƒuɔ baga lɛnɔ kudɔ.

Esekiel 21:28

Unwoti Katɔti ɔ́nini, “Esekiel, ɔyawine ubi, Amonƒuɔ bédumi Israelƒuɔ, anwuɔsu du-ma kukpi kɔtɔ na asu-ma anini, ‘Báni kewii bákpa livuo kemmo bada benye ka bewi ubugya kalɔ. Bésusu-ka nnɔmii na keekeye kaduɛ ka kenye kagyumana ka ɔdu bekyuli aani kalɛ na katɔ kaava taayu bekyuli na beekpi.

Esekiel 25:1

Unwoti ɔ́su ɔnini,

Esekiel 35:10

“ ‘Bɛ́bu bɛnii Yuda ku Israel kadi bekyuli kɔlɔ kúnwini amii kɔdi na bɛkana biti bana kɔlɛkɛ kɔmmɔ binwini amii ɔdi uwi biala kemmo. Nsu ami ndi bana Katɔti.

Hosea 13:16

Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Amos 1:3

Unwoti ɔnini, “Ndubo Siriaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔsika béminime ligyigba lɛni lɛlɔ na bébo kɔbwɛlɛ bálɛ bávinku Gileadƒuɔ lɛlɔ.

Lɛkpa Ulu 2:19

Na si bɛ́vi mmɔ bɛ́wɔlɔ ni, bɛdubudu Arnonƒuɔ kalɔ lɛlɔ. Na si bíduo mmɔ ni, bitakya-ma kɔnyi na bata bekpoku-mii. Na si bɛ́bla lɛni lɛɛɛdubo Arnonƒuɔ kalɔ kammɔ kadi buti bute-mii. Ɔsika líti-ka líte Lot bawɔ ka beti-ka babla bana kadikɔ.”