Agba 8:4 - Katɔti Ɔku Kedee

⁴ “O amii bekyuli na mɔɔkpali. Amii kadi ƒui bekyuli na mɔɔtalaku lɛdi katɔ kalɛ na binu.

Agba 8:4 ပူးပေါင်းရင်းမြစ်များ

Kɔgya 50:1

Katɔti Ɔyikune Ƒui ɔni ndi Unwoti mɔɔlɔ lɛla biala lɛni nkya kayawi ƒui ɔ́si ɔƒɛ katukɔ útédu kanukɔ ɔnii babasala na benu.

Agba 8:3

Unye lɛban lɛni ƒui na baasia teeduo ɔma unengudi ɔmmɔ kemmo kenye na ɔɔkɔ́ lɛsa na kɔyakun kɔmmɔ ƒui ɔnini,

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Mika 1:2

Amii kalɔ lɛlɔ bekyuli ƒui binu! Bise atu kaduɛ na binu, ɔsika Unwoti Katɔti uudie-mii bɔƒiɔ taasiku nwuna keliekɔ kedee na nwuna kakpakɔ mmɔ.

Mateo 11:15

Si bɛɛkana ni, biti lɛla lɛni lɛ́su mɛni.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.