Agba 8:22 - Katɔti Ɔku Kedee

²² “Ami na Unwoti ɔdanku asa na ɔdubuse kalɔ ku lɛla biala budie ku kuuku ala ani ƒui nákya.

Agba 8:22 ပူးပေါင်းရင်းမြစ်များ

Hiob 28:23

Katɔti lɛti pɛ kani ngyi ulu ku kesii kani na lɛnunda lɛkya.

Kɔgya 104:24

O Unwoti ábla ala pii ɔkɛnku ƒula lɛnunda lɛlɔ. Na áya na ƒula ala ediedi áƒɔ kalɔ kammɔ ƒui lɛlɔ.

Agba 3:19

Lɛnunda na Unwoti úti ɔ́kya kalɔ kammɔ ɔka kalɔ. Na ala kalɔ bunu na úti údie katɔ ɔ́ƒala kayaa.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Koloseƒuɔ 1:17

Kristo ɔ́kya asa na Katɔti údie ala ƒui. Na ɔkɛnku-nwu lɛlɔ na ala ƒui eesié kaduɛ.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.