Agba 8:15 - Katɔti Ɔku Kedee

¹⁵ Mina lɛlɔ na baga baasia taadi bekyuli lɛlɔ. Na lɛlɔ badine beeti ɔda bubo bɔbuni teete bekyuli.

Agba 8:15 ပူးပေါင်းရင်းမြစ်များ

Baga 1 10:9

Na buumwi Unwoti ɔni ndi ƒula Katɔti, kalɛ na údie nwuna bɔyɔ ɔ́tina-a. Na úse-ɔ Israelƒuɔ ɔga. Ɔsika ubo bɔyɔ ute Israel uwi ƒui ɔsu na úti-ɔ úse lɛga kalɛ na ataanu nwuna ɔda bubo taabla ala ulu lɛlɔ.”

Baga 1 3:28

Uwi ɔni na Israelƒuɔ ƒui bénu kalɛ na ɔga ɔ́tɛ litemi lɛmmɔ ɔ́vinku ni, báyia ɔga ɔmmɔ. Ɔsika bánu báti ka Katɔti lɛnunda na úti ɔ́tɛ litemi lɛmmɔ.

Baga 1 3:9

Anwuɔsu te ami ƒula kabla ɔblane kayi kani na liti lɛda ƒula bekyuli bamɛni na lɛnu lɛbuni ku likpidi lɛti. Ɔsika si átabla ɔmɛni ni, ɔma ndubɔkana ƒula bekyuli pii bamɛni udu bɔda?”

Baga 1 5:7

Amu ka Hiram únu Salomo kenye kamɛni ni, kubiti kɔ́da-nwu geen na ɔ́su-nwu ɔnini, “Bekyuli ƒui bemwi Unwoti ɔmwi kadi, ɔsika úte Dawid ubi ɔnundane ɔni na ɔdi kadi bekyuli bonwu bamɛni lɛlɔ.”

Ala Alɛdi 1 28:5

Unwoti kusɛ kusɛ ɔ́siaku-mi na lɛ́wɔ bebi pii. Nsu Salomo na ɔ́ƒuna ka ɔdi lɛga na Israel na mina kama.

Ala Alɛdi 2 1:10

na aya na lɛda anu. Na ete-mi lɛlati lɛni námanku-mi aani ɔga kalɛ na meti mada ƒula kadi bekyuli bonwu bamɛni.”

Ala Alɛdi 2 1:11

Amu na Katɔti ɔ́su-nwu ɔnini, “Salomo, akana na nka eye-mi anii nte-ɔ lɛkɛ iye aƒɔ lɛnyi iye elie ngba gyɔlɔɔ iye ƒula bekisine bayii udu. Nsu na ala amɛni ƒui kenye ni, lɛnunda ku lɛlati na éye-mi kalɛ na eti atɔnku mina kadi bekyuli.

Kɔgya 2:10

Ɔmɛni ɔsu ni, amii kalɔ kamɛni lɛlɔ badine bani mɔɔdi kayawi lɛlɔ ni, binu bɔlɛ bɔmɛni kaduɛ na bɛda anu na litemi lɛmɛni lɛlɔ!

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Agba 29:4

Ɔga ɔni mɔɔdi bekyuli lɛlɔ ulu lɛlɔ siin ni, ɔɔyá nwuna kalɔ keesé kpoo na baakɛ́ atu bɔyɔ. Nsu ukyuli ɔni mɔɔwia ka utaaƒɔ ala bekyuli kudɔ na bɔbɛ kemmo taadi uwi ndi uwi ni, uubile kalɔ kammɔ.

Agba 8:16

Ɔkɛnku-mi lɛlɔ na bagadine baadi bekyuli lɛlɔ ku babune bani mɔɔtɔnku bekyuli ulu lɛlɔ siin.

Yesaia 1:26

Na ɔmmɔ kama ni, ndubute-mii litemi batɛne babuni ku kasusu betine aani bani nákya-mii akɔ kuuku. Na bekyuli badubɔsɔ balɔ Yerusalem banii Ɔma unengudi ɔni kemmo baatɛ litemi geen ku Ɔma unengudi ɔni bekyuli mɔɔdi etemila lɛlɔ.’ ”

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Romaƒuɔ 13:1

Ɔlɛka ukyuli biala uti ɔbu ute kalɔ lɛlɔ batɔnkune. Ɔsika ɔtɔnkune ɔdi uuubo ɔyikun ɔdi si ɔɔɔdi Katɔti kudɔ na ɔ́si. Na batɔnkune bani nli ɔƒɛni ni, Katɔti néti-ma úse mmɔ.

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 9:17

Ɔmmɔ ɔsu ka Samuel ɔ́nu Saul kani na Unwoti ɔ́su-nwu ɔnini, “Ɔnana ɔni lɛlɔ litemi na lɛ́su-ɔ ni, anwu mɛni. Na anwu ndubo mina kadi bekyuli bɔtɔnku.”