Agba 6:17 - Katɔti Ɔku Kedee

¹⁷ ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,

Agba 6:17 ပူးပေါင်းရင်းမြစ်များ

Baga 2 21:16

Manase ɔ́du bekyuli pii bani nátaƒiɔ na Yerusalem lɛblɔnu lɛgba ku ubugya. Na ɔ́sɔ ɔ́kpanku Yudaƒuɔ úbunku ɔmmɔ lɛlɔ útákya lɛƒiɔkpa kemmo. Na ɔ́ya na bábla likpidi na Unwoti anumi.

Baga 2 24:4

Ɔsika ɔ́du bekyuli bani nátaƒiɔ. Na Unwoti ulakana likpidi lɛmmɔ udu buteeti taakyiɛ.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Kɔgya 131:1

Unwoti Katɔti, likyulikpi ala bɔbla buuubo-mi kayi kemmo. Na mina anumi lɛnɔ alánu ala teetuloku lɛlɔ. Na lɛɛɛsiaku ala enengudi iye ala ani na etulo-mi kama.

Kɔgya 18:27

Aaƒɔ́ bekyuli bani muuboku lɛlɔ kalɔ. Na eeboku bekyuli bani mɔɔtalaku lɛlɔ katɔ kalɔ.

Kɔgya 31:18

Bala ɔkɔ banyine bammɔ ƒui kenye, ɔsika baakun lɛmɛnɛ na baatalaku lɛlɔ katɔ. Na baalɔ bekyuli bani nsiaku-ɔ kama siin anyikpi.

Kɔgya 5:6

Na ɔkɔ banyine ƒui ni, adubo-ma udu bɔyila. Na bani muuwi ubugya kalɔ ku bani muudie bekyuli teete ni, ekisi-ma.

Kɔgya 5:7

Nsu ami ni, Ati, ɔ́si bɔyɔ bɔni na aayɔ́-mi geen ɔsu ni, ndubɔkana na liduo lisie ƒula ɔtɔ kemmo na liboku lɛlɔ kalɔ lite-ɔ ku ɔbu. Na ndubɔkana na lɛ́kpa-a na ƒula kakpakɔ kedee mmɔ.

Agba 1:11

Badubɔkana na basu-ɔ banini, “Bo, basiaku-bu. Na aya na bɔbɛ na bɔdu ukyuli ɔdi! Na bubi kesii kadi butaatu bekyuli bani nátabla-bu lɛla lɛdi.

Agba 1:16

Baababla ku usi taatábla ekpidi. Na baababla teewi ubugya kalɔ.

Agba 12:22

Unwoti ukisi bekyuli bani naaadi bana linyese lɛlɔ. Na bani mɔɔbla taasiaku-mu lɛlɔ baayɔ́-nwu kaƒɔ.

Agba 14:5

Ukyuli ɔni nánu lɛla lɛdi na uudie litemi geen lɛmmɔ kenye ni, ulanyi ɔkɔ. Nsu ukyuli ɔni na útanu lɛla lɛmmɔ ɔɔnyi ɔkɔ.

Agba 16:5

Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Agba 17:7

Kɔtɛ bɔtɛmi pii ni, útamanku ɔdɔlɔdi. Na ukyuli ɔni mɔɔdi bekyuli lɛlɔ lɛnɔ ni, ɔkɔ bɔnyi bútamanku-nwu.

Agba 21:4

Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Agba 26:28

Unyemi ɔni mɔɔnyi ɔkɔ taasia ukyuli ni, uláwia ukyuli ɔmmɔ bɔdia. Na katɔlɔ kaadú ukyuli.

Agba 28:17

Bekyuli ɔdune ɔni kasusu muukpóku-nwu ni, kaakpanku-nwu teetéduo kaƒiɔtɔ kemmo. Tada-nwu ulu!

Agba 30:13

Baakɔliku lɛlɔ katɔ teetuloku lɛlɔ na baanu lɛla biala tapii.

Agba 6:16

Alakpa aku adi akya na Unwoti ukisi geen. Na maatɛ adi eesé-nwu lɛlɔ,

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yeremia 26:15

Nsu si bɛ́du-mi ni, bɛti ka bina akɔ ɔdi biala na Yerusalem ɔ́bla likpidi na bɛ́du ukyuli ɔni na útabla lɛla lɛdi. Ɔsika lɛla biala na mɔɔsu ni, Unwoti kudɔ na lɛ́si.”

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Lɛkpa Ulu 19:10

Bɛbla ɔmɛni kalɛ na biládu bekyuli bani nátaƒiɔ. Na bilákɛ kɔtɔ bɔdu bɔdi na kukpi kɔmɛni udu lɛlɔ na kalɔ kani na bina Unwoti úti uute-mii mɛni kemmo.

Lɛkpa Ulu 27:25

‘Ewida asiaku ukyuli ɔni maƒɔ egulabi adi na badu ukyuli ɔni nátaƒiɔ.’ Na ɔlɛka bekyuli batuna banii, ‘Ɔsia lɛni.’

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.