Agba 5:22 - Katɔti Ɔku Kedee

²² Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Agba 5:22 ပူးပေါင်းရင်းမြစ်များ

Baga 1 18:18

Amu na Elia údie kenye ɔnini, “Ńtakya lɛsɛ lɛdi na Israel. Nsu awɔ ku ƒ'ɔti kaduli na ɔ́si. Ɔsika bíni Unwoti ɔda bubo na bísie bɛ́siaku Baal kama.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Hiob 18:8

Na anwu ɔlati ɔɔnya teetéduo kakpagyuɛ kemmo.

Kɔgya 40:12

Ɔsika ɔgbankpi lidu lidu pii ku mina alaekpidi áka ámana-mi na nsɔ naaanu kesii kani na lɛsia. Emomo etulo mina lili linwini ɔmmɔ ɔsu na enu áƒɛ-mi ƒui.

Kɔgya 9:15

Kadi bamba bekyuli bani néku-mi ubu ka lɛnu-nwu kemmo ni, ama alati bánu ubu ɔmmɔ. Na kakpagyuɛ kani na bábɛ bákywɛ-mi ni, kédie ama alati.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Agba 1:18

Nsu uuuse lɛni ku bekyuli bammɔ udu. Ama alati lɛlɔ na bebi baatú, na kubu na baasia ama alati lɛlɔ.

Agba 11:3

Bekyuli babuni ni, bana litemi lɛni lɛlɔ baadi ulu lɛlɔ mɔɔtina-ma kasiakɔ. Na balalane ama ni, bana litemi lɛlɔ tadi mɔɔyila-ma udu.

Agba 11:5

Bekyuli babuni ni, bana litemi lɛlɔ bɔdi ulu lɛlɔ mɔɔtina-ma kasiakɔ. Na balalane ama ni, bana ekpidi unu mɔɔsia-ma lɛlɔ.

Agba 11:6

Ngba buni bɔni na bekyuli babuni belie muudie-ma ɔgbankpi kemmo. Na lɛla lɛni lɛlɔ na balalane anumi eegyie ni, ani muunwíni kakpagyuɛ teedie-ma.

Agba 12:14

Bekyuli baakana na baasia bana kenye etemila lɛlɔ na baakɛ́ ala pii. Lɛni kani na bana enu kabla lɛnɔ kaayá na baakɛ́ kɔsia pii.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Agba 18:7

Badɔlɔdi kenye muubó-ma kalɔ, na bana enyekpi mɔɔkya-ma lɛbibo kemmo.

Agba 24:12

Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

Agba 26:27

Si ákywɛ ƒula ɔkpana kakpagyuɛ ni, awɔ ɔlati ndubo-ka kemmo bɔnu buduo. Na si éminime lɛtakpɛ bonwu lɛdi anii litásia bekyuli lɛlɔ ni, lɛdubɔsɔ linwini libasia-a.

Etemila 7:26

Lɛ́nu lɛ́ti ka uleku ukpidi ubo ɔdu utulo kukpi. Na úbimi enu ku kayi ƒui úse aani kakpagyuɛ ka uƒie ukyuli. Na ɔnana ɔni mɔɔdi Katɔti litemi lɛlɔ ni, ɔkana na ukeli-nwu. Nsu ukyuli ɔni na uládi-ni lɛlɔ ni, ɔdubo-nwu buƒie aani kakpagyuɛ na ɔyii udu kede kede.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Kɔnyana Buwulo 1:14

“Ébo mina ekpidi áda-mi ɔkwɛ, na aayu-mi unu, na mina ɔyikun ɔ́sa. Áya na mina bekisine bákɛ ɔyikun na mina lɛlɔ, na bákɔ-mi básɔ ɔni na bebo ɔyikun bétulo-mi.

Obadia 1:15

“Limeyi lɛdubo lɛni na ami Unwoti ndubɔtɛku kadi ƒui litemi. Na amii Edomƒuɔ ni, bɛdubɔƒɔ kayu kani ƒui na bɛda na bina ablala kenye.

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Litemi Batɛne 20:41

Mmɔ na Israelƒuɔ bénwini na Benyaminƒuɔ béƒu na báti ka Israelƒuɔ baayɔ́ bayila-ma udu.

Litemi Batɛne 9:57

Na Katɔti lɛnɔ ɔ́ƒɔ Sekemƒuɔ kayu ɔkɛnku likyulikpi lɛni bábla ɔsu. Na Gideon ubidi Yotam ewida ani na úwida-ma ébo-ma lɛlɔ.