Agba 4:4 - Katɔti Ɔku Kedee

⁴ Ɔ́tina-mi ala na ɔ́su-mi ɔnini, “Ƒie mina etemila da kpakplaa ku ƒula kayi ƒui. Di mina ɔda bubo lɛlɔ na adubulie ngba.

Agba 4:4 ပူးပေါင်းရင်းမြစ်များ

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 119:144

Ƒula etemila ese siin uwi biala. Ya-mi na nteenu ala kalɔ na melie ngba.

Kɔgya 119:168

Mɔɔdi ƒula ɔda bubo ku etemila ƒui lɛlɔ, ɔsika mina kasiakɔ ƒui ni, awɔ Unwoti agyi-mu.

Agba 22:6

Tina ƒula bebi kasiakɔ kabuni na si bábi lɛlɔ ni, na balasia kesii bamba.

Agba 23:26

O mina ubi, ti ƒula kayi te-mi. Na ƒula anu asia lɛnunda ulu ɔni mɔɔtina-a lɛlɔ.

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Agba 3:2

Ɔsika ɔmmɔ ndubɔya na elie ngba gyɔlɔɔ na ala adianku-ɔ na keyi kayɔku-ɔ.

Agba 7:2

Da-mu kaduɛ na adubulie ngba. Gyumana-mu aani kalɛ na adubɔgyumana ƒula lɛnumi.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yeremia 38:20

Amu na lɛ́su-nwu nnini, “Lɛ́su-ɔ ka si adubunu Unwoti litemi ni, Babilonƒuɔ baaadubo-ɔ buti bɔkya Yudaƒuɔ enu kemmo, mmomu adubulie ƒaa na ala adianku-ɔ kaduɛ.

Yohane 12:50

Na ngyi ka lɛla lɛni na ɔ́tala-mi ka mbasu mmɔ ni, ani mɔɔyá na bekyuli beelie ngba bɔni nsɔ naaadubo bɔsa kudii. Anwuɔsu lɛla lɛni na Ati ɔ́su-mi ka masu ni, ani kani na mɔɔsu.”

Eƒesoƒuɔ 6:4

Na amii bawɔne lɛnɔ ni, bitabla ala ani makya bina bebi kɔnyi. Mmomu bɛtumini-ma na bɛlɛ-ma bɛsiaku bɔƒɔtaadi ulu lɛlɔ.

Lɛkpa Ulu 4:9

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Lɛkpa Ulu 6:6

Na bɛda ɔda bubo bɔni líti muute-mii ɔmwi kadi kamɛni lɛlɔ kaduɛ na bina kayi kemmo.

Timoteo 2 1:5

Mɔɔkali taanu ƒula bɔƒɔtaadi kpakplaa bɔni na ebo. Bɔƒɔtaadi bɔmmɔ nákya ƒ'inieku Lois ku ƒ'ini Eunike alati kemmo. Lɛ́ƒɔ lɛ́di ka awɔ lɛnɔ ebo-mu.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Litemi Batɛne 13:12

Amu na Manoa úye ɔtu ɔmmɔ ɔnini, “Si úbo úte lɛni ni, bi na ubi ɔmmɔ ɔdubo bɔbla? Na bi ngba udu ɔdubo bulie?”