Agba 4:24 - Katɔti Ɔku Kedee

²⁴ Ya na kɔyalɛtɛ kusie kama ƒui na ƒula kudɔ Na etemila ani muusé lɛlɔ ƒui atalɛ-ɔ kenye.

Agba 4:24 ပူးပေါင်းရင်းမြစ်များ

Hiob 11:14

Na edie ƒula alaekpidi ƒui atu, ku ani na ábla na bɔbɛ kemmo ƒui.

Kɔgya 34:14

Ɔda likpidi bɔbla ɔya na utaabla lɛbuni, na ɔsia ulu biala lɛlɔ na nwuna kayi kabla ƒaa ku bekyuli ƒui.

Agba 10:32

Etemila ani mebunku ukyuli na ukyuli ɔbuni ɔɔtɛmi. Nsu etemila ani muusé lɛlɔ na balalane baatɛmi.

Agba 17:20

Kayi kani naaasia ulu unwi lɛlɔ ni, ala alátɛku-nwu. Na unyemi ɔni mɔɔtu ala teenwini ni, ukyuli ɔmmɔ ɔɔbla gyoli gyoli teetéduo lɛbibo kemmo.

Agba 19:1

Ɔdia si adi ɔwabane na aadi litemi geen lɛlɔ utulo si adi ɔdɔlɔdi na aanyi ɔkɔ.

Agba 4:25

Taanu ƒula anumi ligeen uwi biala si akɛ, na ƒula anumi asia kesii kani na ésela kani.

Agba 6:12

Ukyuli ukpidi ku ɔlalane ni, bɔkɛ kani na ɔɔkɛ taavi uwi ƒui ku ɔkɔ etemila.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Agba 8:8

Mina kenye etemila adi etemila geen. Na lɛla biala líteƒu lítakya iye lɛbla gontii na etemila ammɔ kemmo.

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Koloseƒuɔ 3:8

Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.