Agba 4:2 - Katɔti Ɔku Kedee

² Ala ani ndi etemila geen na áƒɔ kuye na mɔɔtina-mii. Anwuɔsu bitenwini kama bitakya-nya.

Agba 4:2 ပူးပေါင်းရင်းမြစ်များ

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 7:19

“Nsu si awɔ iye Israel kadi bekyuli bammɔ akɔ ɔdi úse kalɔ ɔɔkpá baƒiɔ bani na kadi bamba bekyuli baakpá mmɔ ni,

Hiob 11:4

Ákana na ásu Katɔti anini, ‘Bɔƒiɔ bɔdi buuubo-mi kayi kemmo, na nse siin na ƒula anumi.’

Hiob 33:3

Mina etemila adi ulu na ɔkɔ biala uuubo-nya kemmo. Na ala ani ndubo mina kenye bubimi bɔsu mɛni adi ala ani na ngyi na adi sɔsɔ lɛnɔ.

Kɔgya 119:87

Benye-mi lɛlɔ kpakplaa na kébu blii kani na badu-mi. Nsu ɔmɛni ƒui kama ńtenwini kama ńtakya ƒula ɔda bubo.

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Yeremia 35:8

Na bula kɔdua bɔɔdi Yonadab ɔda bubo bɔmɛni lɛlɔ uwi biala. Na úti úbalɛ ɔmwi limeyi lɛmɛni lɛlɔ ni, abu ku bula beleku ku bebi bananabi ku belekubi ƒui bulani ntɛ na bulatu lɛtɔ lɛnɔ teelie-ni kemmo na bulesie adingyii mmo lɛnɔ. Na adi kevo kemmo kani na buulie uwi ndi uwi.

Lɛkpa Ulu 32:2

Mina ala bɔtina adubɔyu aani kalɛ na ɔnantu ɔɔna na ubewi kalɔ aani amii. Mina etemila adubɔyu aani kalɛ na ɔnantu uuwi blii blii teewi edula ani na átalɛ tɔ lili lɛlɔ. Na adubɔyu ewi livo lɛni na ɔƒɛni na lɛɛkwɛ́ lɛlɔ blii blii.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Tito 1:9

Ɔdi ka uƒie litemi geen lɛmmɔ ɔda kpakplaa aani kalɛ na bɔƒɔtaadi ulu ɔmmɔ ɔɔtina. Na ulu ɔmɛni lɛlɔ kani na ɔdubɔkana bɔsia na ɔkya bekyuli bamba lɛnɔ ogya na udie bani mɔɔta teenye litemi lɛmɛni lɛlɔ bɔƒiɔ ɔtina-ma.