Agba 4:18 - Katɔti Ɔku Kedee

¹⁸ Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Agba 4:18 ပူးပေါင်းရင်းမြစ်များ

Samuel 2 23:4

use aani ɔtanta kadi kalɛ na keekeye si ɔƒɛ ɔ́tu ɔdubo na liƒlukutu lɛdi liiibo-nwu kemmo. Na use aani kalɛ na kadi keekeye si ɔnantu ɔ́na ɔ́da na ɔɔyá na evete awɔdi aata.’

Hiob 11:17

Na ƒula ngba emeyi kemmo adubukeye butulo ɔƒiiwi. Na kasuudikɔ kammɔ kabla nwaa aani ɔtanta kadi bugye.

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Hiob 23:10

Nsu ɔgyi lɛla biala na mɔɔbla, na si banii ɔ́kɔku-mi ɔ́nu ni, ndubo buse sɛɛn aani sika ugyiedi ɔni ndia utulo ƒui.

Kɔgya 84:7

Na baakɛ́ ɔyikun teebu limeyi ndi limeyi. Na badubɔnu benwoti ƒui Unwoti ɔni ndi Katɔti na Sion Kɔbi lɛlɔ.

Kɔgya 97:11

Bekyuli bani mɔɔdi Katɔti litemi lɛlɔ na baabla ala ulu siin lɛlɔ ni bana kasiakɔ keekeye na lɛlɔ lɛɛyɔ́-ma.

Agba 13:9

Bekyuli babuni ni, lɛlɔ lɛɛyɔ́-ma na bana keliela keekeye uwi ndi uwi. Nsu ɔƒɛ ɔɔsá taakya alaekpidi bablane na ɔɔbla-ma suu.

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Agba 2:20

Sia bekyuli babuni kasiakɔ mmomu, na asia bekyuli bani nse siin kavinkɔ.

Agba 2:9

Na adubunu lɛla lɛni ndia na lɛdi ulu lɛlɔ siin kalɔ na ulu buni biala lɛlɔ.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Daniel 12:3

Na bani ƒui náda anu na bana ngba bulie kemmo ni, badubukeye kede kede aani kayaa kani bɔɔnu. Na bani lɛnɔ na bátɔnku bekyuli na bábla Katɔti lɛyɔla ni, badubukeye aani ayabi.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Mateo 5:14

“Amii nse aani bukeye bite kayawi ƒui. Ɔma ɔni nsia kɔbi lili ni, ulabɛ.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Petro 2 1:19

Ɔmɛni ɔsu bɔ́sɔ bɔ́ƒɔ kenye bediene linyese lɛmmɔ bɔ́di geen búbu. Na ɔlɛka amii lɛnɔ bise atu geen na binu-ni. Ɔsika lise aani ogya ɔni mɔɔda na kesii kani nse suu utálɛ uwi ɔni na kadi kadubugye. Na kadi bugye bɔmmɔ ndi Kristo bukeye bɔni ndubukeye na bula kayi kemmo aani kalɛ na ɔtanta ayabi eekeye lɛdigye.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.