Agba 31:6 - Katɔti Ɔku Kedee

⁶ Nyonu ntɛ te bani néedu kaƒiɔtɔ kɔtu, ama mɔɔní ntɛ ku bani na kayi kaakpulu-ma geen.

Agba 31:6 ပူးပေါင်းရင်းမြစ်များ

Baga 2 4:27

Uwi ɔni na uleku ɔmmɔ útéduo Katɔti ukyuli ɔmmɔ kudɔ na kɔbi kɔmmɔ lɛlɔ ni, úƒie Katɔti ukyuli ɔmmɔ lɛgba ɔ́da. Na Gehasi úkeli úsie ka utáda-nwu enu udie. Nsu Elisa ɔ́su-nwu ɔnii, “Nyonu-nwu! Ɔsika lɛla lɛdi liikpóku-nwu. Nsu Unwoti úti lɛla lɛmmɔ ɔ́bɛla-mi na útedie útatina-mi. Na lɛɛɛgyi lɛla lɛni ɔsu.”

Hiob 29:13

Na bekyuli bani na ala étulo na nka bukpi na bada muedi ni, lídie-ma na beete-mi kusɛ kusɛ. Na bekpinele kayi káyɔ-ma ƒaa na bédie lɛlɔyɔ lɛnu.

Hiob 3:20

“Bi ɔsu na muulie ntaanu bukeye na mina lɛbibo kemmo, na use aani si ngba ala abuni eebo teete bani naaadaku ngba lɛda?

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Agba 31:7

Ya na bekyuli bammɔ udu bani ntɛ na bayiƒala bana kɔwaba na basɔ beléteenyimo ala ani muukpóku-ma.

Yesaia 38:15

Bi na mbo na masu ka Unwoti ɔlati nábla ɔmɛni. Bɔkɛ kani na ndubɔkɛ nteekpuulo ku ɔlɛ bunu wetédu mina kawɔlɔkɔ, na mina kɔnyana kɔmɛni ɔsu.

Timoteo 1 5:23

Na ƒula kaƒɔ ɔlɛ ɔsu ni, tasu anii ataani ntu lɛti. Ɔdia ka ataani ntɛ blii blii kuvo kalɛ.

Samuel 1 1:10

Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.