Agba 31:4 - Katɔti Ɔku Kedee

⁴ “Lɛla lɛdi lɛkya na lɛɛɛdia liiite baga. Lemuel, ɔɔɔdia uuute baga ka bataani ntɛ. Útalɛka ntɛ butaada batɔnkune ɔkwɛ.

Agba 31:4 ပူးပေါင်းရင်းမြစ်များ

Baga 1 16:9

Na Simri ɔni na ɔdi ɔga ɔmmɔ bakutine benengu akɔ unwi na anwu mɔɔnu nwuna bapɔnkɔ kɛɛkɛ kakɛ kenwi ƒui lɛlɔ ni, ɔ́lɛ-nwu kama na údie kasusu kekpidi nwuna lɛlɔ. Limeyi lɛdi ni, Ɔga Ela ɔ́kya Tirsa na nwuna baga kesii lɛlɔ ɔnune Arsa kesii ɔɔní ntɛ na ɔdaku-mu bukpi.

Baga 1 20:12

Amu ka Ben-Hadad únu kenye kammɔ uwi ɔni na anwu ku nwuna baga bákya adi kevo kemmo baaní ntɛ ni, mmɔ na ɔ́su nwuna bekpone ɔnini, “Batu akpagya na betékpoku Israelƒuɔ.” Anwuɔsu ama lɛnɔ báklibi lɛlɔ ka betékpoku ɔma unengudi bekyuli.

Ester 1:10

Na limeyi maatɛdi lɛlɔ ni, ntɛ pii bɔmmɔ bɔ́ɔta bɔ́sia Ɔga Ahasweros anumi, na lɛlɔ lɛnɔ lɛɛyɔ́-nwu geen, anwuɔsu ɔ́tala nwuna kabla bablane maatɛ badi bani ndi Mehuman ku Bitsa ku Harbona ku Bigta ku Abagta ku Setar ku Karkas ɔnii

Ester 3:15

Ɔga Ahasweros ɔ́ya na bákɔ litemi lɛmɛni lɛsa na kesii biala, na ɔ́lɛ lɛni na Susa ɔma unengudi kemmo lɛnɔ. Na ɔmmɔ kama ni, Ɔga Ahasweros ku Haman bétélie kalɔ na báni ntɛ. Nsu litemi lɛmɛni lɛ́bla Susa ɔma bekyuli dɛye dɛye, na lɛsɛ lɛ́ƒɔ-nwu kemmo ƒui.

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Agba 23:34

Na adubo butaagbanta aani ukyuli ɔni nnye ɔkɔlɔ kemmo na ɛpu anumi, na úƒie ɔkɔlɔ kemmo lɛbuli lɛmmɔ ɔda.

Etemila 10:17

Nsu kalɔ kani ɔtɔnkune ndi ukyuli ɔni náni ɔ́kɔ na nwuna benengu baládi taani kani ni, kalɔ kammɔ keesié anumi.

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.