Agba 30:5 - Katɔti Ɔku Kedee

⁵ “Lɛla biala na Unwoti ɔ́su ni, ɔkɔ uuubo-nwu kemmo. Ɔdi lɛgyumanala ute bani nátamiku-nwu.

Agba 30:5 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Samuel 2 22:31

“Katɔti lilu ƒui lise kede kede. Na ɔkɔ biala uuubo-nwu kemmo. Ɔdi lɛgyumanala ute bekyuli bani nátamiku-nwu.

Kɔgya 119:140

Ami ƒula kabla ɔblane líduo ƒula linyese kemmo na lɛ́kɔku-mu lɛ́nu na mɔɔyɔ́-mu geen.

Kɔgya 12:6

Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

Kɔgya 144:2

Awɔ ndi mina lɛtakpɛ ku katamikukɔ kesii kani mɔɔkɛ́ bɔƒɔ. Ƒula lɛlɔ na mina anu asia, ɔsika adi mina ɔgyumanane ɔni muuboku mina bekisine eli kalɔ teete-mi na mɔɔdi-ma lɛlɔ.

Kɔgya 18:2

Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Kɔgya 18:30

Katɔti lilu ƒui lise kede kede. Na ɔkɔ biala uuubo-nwu kemmo. Ɔdi lɛgyumanala ute bekyuli bani nátamiku-nwu.

Kɔgya 18:31

Na ɔma lɛnɔ ndi Katɔti ɔmmɔ si ɔɔɔdi Blɔti? Ɔsika anwu kani ndi lɛtakpɛ lɛni lɛlɔ na bula kama kekpo.

Kɔgya 19:8

Ɔda bubo bɔmmɔ buse kede kede na ɔɔbla ukyuli lili kemmo nwaa na ɔɔtí Unwoti lɛƒɔyɔ.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Kɔgya 91:2

anwu ndubɔsu Unwoti ɔnini, “Awɔ ndi mina kagyumanakɔ kpakplaa kesii kani na mɔɔbɛ́. Na adi-mi Katɔti ɔni lɛlɔ na mina anu asia.”

Agba 2:7

Bekyuli bani nse siin ni, uusé-ma kama ka badi lɛlɔ. Na ɔdi lɛgyumanala ute bekyuli bani na lɛla lɛdi lɛɛɛda-ma na bana kasiakɔ.

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Romaƒuɔ 7:12

Ɔmɛni ɔsu ni, ɔda bubo bɔmmɔ buse kedee, na ala ani na bɔɔtina lɛnɔ ese kedee, na asia ulu siin lɛlɔ, na adia.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.