Agba 30:4 - Katɔti Ɔku Kedee

⁴ Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!

Agba 30:4 ပူးပေါင်းရင်းမြစ်များ

Ala Kalɔ Buse 32:29

Mmɔ ni, Yakob ɔ́su ɔnini, “Buvele, lɔ ƒula lɛnyi te-mi.” Nsu ɔnana ɔmmɔ úye-nwu ɔnini, “Bɔsu na ada anii aaagyi ukyuli ɔni mɔɔtɛmiku-ɔ?” Na mmɔ ni, úte-nwu kusɛ kusɛ na kesii kani na benye mmɔ.

Hiob 11:7

“Bɔkana na adubɔkana Unwoti Ɔyikune Ƒui akɔla ala budie taatina bɔkɔku bɔnu, na awia-nya kalɔ ati etédu ana kawɔkɔ?

Hiob 11:8

Nwuna lɛnunda lɛ́kuku líbo lɛ́vi katɔ ƒui. Na lɛnunda lɛmmɔ kemmo lɛnɔ kágyu ketulo kekpine ƒui. Na bi na adubɔkana na ati na amɛni ƒui lɛlɔ?

Hiob 26:8

Katɔti ɔ́sala ntu ɔ́kya liƒlukutu kemmo aani obo, nsu bulábwɛ na buwiakun.

Kɔgya 135:7

Ɔɔyá na liƒlukutu lɛɛsí kalɔ ekpo ƒui taakɔ katɔ. Na ɔɔyá na katɔ kaabwɛ ogya na ɔnantu ɔɔna. Na ɔƒɛƒɛɛ ɔɔsí kesii kani na ɔ́bala-nwu ɔ́kya na uubo teebekpo.

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Kɔgya 22:27

Kayawi kadi bekyuli ƒui badubo bunyimo na benwini batásiaku Unwoti. Na kayawi bekyuli ƒui badubo-nwu bɔkpa.

Kɔgya 24:2

Ɛpu bonwu ku ntukpa bɔni nkya kalɔ kemmo mmɔ lɛlɔ na ɔ́tu kayawi kammɔ ɔ́sia.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.

Israelƒuɔ Bɔlɛ 15:10

Nsu ka Unwoti ɔ́nya ɔ́nwuna kunwi pɛ kani na ɛpu ɔmmɔ úti Egyipteƒuɔ bammɔ ƒui. Na bányi ntu kemmo aani lɛbuala lɛni mbo unu.

Israelƒuɔ Bɔlɛ 6:3

Na lídie lɛlɔ lɛ́tina Abraham ku Isak ku Yakob ka ami ndi Katɔti Ɔyikune Ƒui. Na Unwoti lɛnyi lɛni na mɔɔdi ni, ńtedie-ni keyi ńtatina-ma tɔ?

Yesaia 45:18

Unwoti lɛti kani ndi Katɔti! Anwu nédie katɔ ku kalɔ kesii kani na bekyuli bakana bulie, utulo ka udie ketele kalɔ kakwiidi sɔɔn kani kemmo na lɛla lɛdi liiibo. Unwoti lɛti kani ndi Katɔti, na ɔbambadi ɔdi ɔsɔ uuubo.

Yesaia 53:8

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo? Alaekpidi ani na mina bekyuli bábla ɔsu na bádu-nwu lɛni.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Romaƒuɔ 10:6

Nsu Bunweni Kedee Ɔku ɔ́su ɔ́siku kalɛ na ukyuli ɔɔbla siin na Katɔti anumi ɔkɛnku bɔƒɔtaadi lɛlɔ ɔnini, “Teye lɛlɔ anii, ‘Ɔma ndubusie katɔ?’ ” Nwuna kalɔ ndi, ɔma makɔ katɔ matákpanku Kristo meboku?

Lɛkpa Ulu 28:58

Na si bítewi lɛlɔ na bɛdi ɔda bubo ala bɔtina bɔni bénweni bákya ɔku ɔmɛni kemmo na biti ɔbu unengudi ɔni na bɔyia bɔkya-nwu kemmo bite bina Unwoti Katɔti ni,

Lɛkpa Ulu 30:12

Na bɔɔɔkya katɔ katɔ na bɛsu bɛnii, “Ɔma ndubusie katɔ katɔ mmɔ utéti-mu uboku-bu kalɛ na bunu ɔda bubo bɔmmɔ na bɔdi-mu lɛlɔ?”

Budie Taatina 19:12

Nwuna anumi ese aani ogya na kɔgabwa pii kubi-nwu lili. Na bénweni lɛnyi lɛdi básia-nwu lɛlɔ lɛni na ukyuli ɔdi ɔɔɔgyi ntu anwu kani.

Litemi Batɛne 13:18

Na ɔtu ɔmmɔ údie kenye ɔnini, “Bi ɔsu na aawia mina lɛnyi ati? Ɔmmɔ uuubo kalɔ bunu.”