Agba 30:14 - Katɔti Ɔku Kedee

¹⁴ Bana kenye anyi etulo kuwii, na lɛsika blii yayaaya nlɛ-ma linungla, kalɛ na baduli bawabane bebweli balɛku kalɔ kammɔ lɛlɔ. Na bayila bani ƒui mɔɔyaki ala balɛku bayawine akɔ.

Agba 30:14 ပူးပေါင်းရင်းမြစ်များ

Hiob 29:17

Lɛ́ƒɛ balalane avwi, na líƒie bekyuli bani na baayɔ́ ka nka babla kalala lɛ́ƒɔ-ma enu kemmo na bákɛ bɔnwuna.

Hiob 41:14

Ɔma ndubuse kayi ubimi-nwu kenye na ɔnu-nwu kenye kemmo anyi ani mɔɔda liƒu mmɔ?

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 124:6

“Bɛya bumwi Unwoti ɔni nátanyonu-bu útete na baduli-bu bakun.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Kɔgya 3:7

Unwoti mina Katɔti, bo na abaƒɔ-mi! Ƒɛ mina bekisine ƒui anyi ku linungla kalɛ na basɔ balákɛ ɔyikun ɔdi mina lɛlɔ.

Kɔgya 52:2

Ɔkɔ ɔnyine, éti ƒula unyemi énwini aani kewii yayaaya blii suɛ eebile ala na ada aakya likpidi kɔkwɛ.

Kɔgya 57:4

Mina bekisine báka bámana-mi aani bagyata bani muuƒie bekyuli taaduli-ma teebweli. Na bana anyi ese aani abuala ku ligyii atula. Na bana linyemi libo ɔbi aani kuwii.

Kɔgya 57:5

O Katɔti, ya na bekyuli ƒui bakɔliku ƒula lɛnyi katɔ besienku ɔgyu kakaaka. Na banu kalɛ na eekeye na kesi kesii na kalɔ lɛlɔ.

Kɔgya 58:6

O Katɔti, mina bekisine bese aani bagyata bani na bana anumi égyie anwuɔsu na muuvele-ɔ nnii ƒɛ-ma anyi.

Agba 12:18

Bekyuli badi beedie ala taalɛ bekyuli na aatu kayi. Nsu banundane etemila aabwi bekyuli bani kayi muunú ɔlɛ.

Agba 22:16

Ukyuli ɔni na bawabane na ɔɔnya taakya asa na ɔɔkɛ́ taadi iye balakɛne na uute ala kalɛ na ɔkɛ lɛla lɛdi bana kudɔ ni, kɔwaba ndubo-ma buƒie.

Agba 28:3

Lɛlɔ ɔdine ɔni mɔɔnya bawabane taakya ni, use aani ɔnantu ɔni mɔɔna taavili na uubile edula.

Agba 30:15

“Ntu kebweyi kadi kakya na kebo bebi belekubi inyɔ. Ama bana keku kani ndi ‘Te-mi! Te-mi!’ “Alakpa atɛ adi akya na elemo kudii. Na ene adi aaagyi bɔsu anii, ‘Ɔ́bɔ!’

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 3:15

Unwoti Ɔyikune Ƒui ɔnini, “Ulu ɔmani udu na bɛ́kɛ, na bɛɛkɔ́ mina bekyuli bawabane kpɛtɛ kpɛtɛ lɛni binwini ɔtumu?”

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Esekiel 22:6

“ ‘Bina batɔnkune béti bana kenyekɔ ɔyikun ɔni na bebo baadú bekyuli.

Esekiel 34:3

Bɛɛní bana anyi ntu na biiti bana linwini teedi adi teete lɛlɔ. Na bɛɛdú babuni bani nélie lɛmwi taakun, nsu bíni na bilanu baƒonu lisu lɛmmɔ lɛlɔ!

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 8:4

Ɔ́sɔ ɔ́su lɛnɔ ɔnini, “Amii bani mɔɔkɔ́ taanya bekyuli bani mɔɔyaki ala lili na bɛɛyila bawabane udu na kalɔ kammɔ kemmo ni, binu.

Habakuk 3:14

Bekisine bammɔ bébo aani ɔƒɛƒɛɛ kpakplaa ku kasusu ka begyingya-bu. Na lɛlɔ lɛɛyɔ́-ma ka badubo-bu bɔyila aani kalɛ na baada lɛla lɛdi teedie na ɔsa. Buse na buse búte-ma aani banyanane bani mɔɔbɛ́. Nsu ama alati bana ekpola kani na éti ábwɛ-ma eli.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Budie Taatina 9:8

Bana lili linwini lise gyɔlɔɔ, na bana kenye kemmo anyi ese aani gyata anyi.