Agba 30:10 - Katɔti Ɔku Kedee

¹⁰ “Tebile kabla ɔblane ɔdi tete nwuna ɔtɔlati. Si ábla lɛni ni, ukyuli ɔmmɔ ɔdubo-ɔ buwida na adubɔƒɔ lɛla lɛmmɔ kayu.

Agba 30:10 ပူးပေါင်းရင်းမြစ်များ

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Agba 11:26

Beyedine bani mɔɔbɛla ala teese na basɔku beye kuye kpakplaa ni, bekyuli beewida-ma. Na bani muuyé ala teete-ma uwi ɔni na baayaki ala ammɔ ni, bekyuli beete-ma kusɛ kusɛ.

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Etemila 7:21

Tese atu anii eenú lɛla biala na ukyuli ɔɔsu, si ɔɔɔdi lɛni ni, ésela eténu ka ƒula kabla ɔblane unye uudumi teewida-a.

Daniel 6:13

Mmɔ na bekyuli bammɔ básu-nwu banini, “Yudani ɔni baalɔ Daniel mmɔ na ɔdi ukyuli uƒiedi ɔni na bákpanku béboku mɛni ni, úni na uládi ƒula ɔda bubo bɔni na éte na bénweni bése mmɔ lɛlɔ, na ulábu awɔ ɔlati muedi. Na ɔ́mu ɔɔkpali nwuna Katɔti teevele kɔtɛ limeyi ndi limeyi.”

Daniel 6:24

Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Romaƒuɔ 14:4

Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Lɛkpa Ulu 23:15

Si kabla ɔblane ɔdi úkeli nwuna unwoti kudɔ na úbo úbawia kabɛkɔ na bina ɔdi kudɔ ni, bɛƒɔ ukyuli ɔmmɔ na bitasɔku-nwu bitemene nwuna unwoti.

Samuel 1 24:9

Mmɔ na ɔ́su Saul ɔnini, “Bi ɔsu na si bekyuli baatɔ́lɔ-ɔ banii mɔɔwia-a lɛdu ni, na aaƒɔ́-ma taadi?

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.

Samuel 1 30:15

Amu na Dawid úye-nwu ɔnini, “Adubɔkana na atɔnku-mi atátina kesii kani na bekyuli bani nékpoku lɛma lɛmɛni bakya?” Amu na Egyipteni ɔmɛni údie kenye ɔnini, “Si aka kenye buse bute-mi na Katɔti anumi ka aládu-mi iye alasɔku-mi elésienku mina ɔtɔlati ni, ndubɔtɔnku-ɔ lisienku mmɔ.”