Agba 3:3 - Katɔti Ɔku Kedee

³ Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Agba 3:3 ပူးပေါင်းရင်းမြစ်များ

Samuel 2 15:20

Kaama kani na ási ébeduo na utalɛka ɔmwi ɔmɛni na litiku-ɔ na butátaaka taamana kalɔ bamba ƒui lɛlɔ ɔni na lɛɛɛgyi kesii kani na bɔdubɔwɔ. Nwini ku ƒula bekyuli na biteesie na Unwoti ɔnu-ɔ kɔnyana na ute-ɔ kusɛ kusɛ.”

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 25:10

Unwoti ɔɔdi nwuna litemi lɛlɔ na ɔɔyɔ́ bekyuli bani mɔɔdi nwuna ɔda bubo lɛlɔ na baasia nwuna bunyimi anu.

Kɔgya 85:10

Nwuna bɔyɔ bɔni neeebo kawɔkɔ ku kalɛ na ulalɛ nwuna litemi kama uwi ɔdi ɔdubɔsala ɔbla unwi. Na kalɛ na Unwoti ɔɔbla ala siin na uute keyi buɛɛ lɛnɔ ɔdubɔkya lɛlɔ kɔgbu.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 34:6

Amu na Unwoti úsie ɔ́vi Mose anumi na ɔ́su-nwu ɔnini, “Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na mɔɔbla ala ulu lɛlɔ teete-ma.

Agba 1:9

Lɛla lɛni na átɛya bana kudɔ ɔdubunwini kagabwa kebi-ɔ lili. Na unwini asɛɛ abuni akya-a limɔ.

Agba 14:22

Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 20:28

Kalɛ na ɔga ɔɔyɔ́ bekyuli uwi ndi uwi na ɔɔdi nwuna etemila lɛlɔ lɛnɔ ɔɔgyumana-nwu na ɔɔyá na nwuna lɛga kadikɔ keenye kpakplaa na bɔyɔ bɔmmɔ ɔsu.

Agba 6:21

Bo-nya da ƒula kayi lɛlɔ uwi ƒui. Na ebo-nya ada ƒula limɔ.

Agba 7:3

Nyimi-mu da ƒula animi lɛlɔ, Na enweni-mu akya ƒula kayi kemmo.

Yeremia 17:1

Unwoti ɔnini, “Ukyuli ɔdi ulakana amii Yuda kadi bekyuli bina ekpidi ani na bɛ́bla bunine budie. Bénweni-nya básia bina kɔyi lɛlɔ aani kalɛ na beebeyi lɛtabi teenweni lɛla lɛdi taasia-ni lɛlɔ iye ala ani na bɛɛnwí taasia bebuo ese ani nlɛ bina akpabi lɛlɔ na akpabi ammɔ ekpo ammɔ.

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Malakai 2:6

Ɔ́tina litemi geen lɛmmɔ na útanyi ɔkɔ útatɔlɔ bekyuli. Ɔ́tɔnku bekyuli pii na bénwini kama bákya bana ekpidi, ɔsika únu-mi litemi na úlie ngba bɔbuni.

Mateo 23:23

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biiti kevoma kemo kutu akyala ƒɛƒɛɛ ani bɛ́bla muedi lɛkpa leevudi teete Katɔti, nsu bíni na biládi ɔda bubo bɔni náƒɔ kuye geen butulo lɛlɔ. Na muna lɛlɔ bɔdi ndi kalɛ na bilanu bekyuli anumi bilabla lɛla lɛdi. Na bɛnu bekyuli kɔnyana. Na bɛdi lɛla biala ulu lɛlɔ bite bekyuli. Ala amɛni lɛnɔ na ɔlɛka bɛbla, na bitada ɔdi bitese.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Lɛkpa Ulu 6:8

Binweni-mu bɛsia lɛla lɛdi lɛlɔ na binyimi-mu bɛda bina enu ku atɛntɛ lɛlɔ aani linyimola.

Hebriƒuɔ 10:16

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ.”