Agba 3:18 - Katɔti Ɔku Kedee

¹⁸ Ngba kugyii ndi lɛnunda ute bani nda-nwu kpakplaa. Lɛlɔ lɛdubɔyɔ bani nébo enu báda-nwu.

Agba 3:18 ပူးပေါင်းရင်းမြစ်များ

Ala Kalɔ Buse 2:9

Na kemo kammɔ kemmo ni, Katɔti ɔ́ya na egyii ákwɛ enye na adi egyii abuni ani mɔɔdia bɔnu ku edula ani ndia kaduɛ na adia ete ka badi. Na kemo kammɔ ntɛntɛ ni, kugyii kɔni muute ukyuli ngba kunye na kɔni mɔɔyá na ɔɔnu lɛbuni ku likpidi taati lɛnɔ kunye.

Ala Kalɔ Buse 3:22

Amu na Unwoti Katɔti ɔ́su ɔnini, “Ɔƒaani ni, ukyuli ɔgyi lɛbuni ku likpidi lɛnɔ aani abu kalɛ. Anwuɔsu ɔ́sɔ útalɛka ɔkɛ kuƒi na ude kugyii ebi ani mɔɔyá na ukyuli uulie ngba mmɔ ɔdi na ɔsɔ ulekpi.”

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Agba 13:12

Si ukyuli ɔ́yila lɛnunsia ni, kayi keekpóku-nwu. Nsu si ƒula ala ani na eegyé kɔna taanu aasia-a ni, eenú ngba emini na lɛlɔ lɛnɔ lɛɛyɔ́-ɔ.

Agba 15:4

Etemila ani mɔɔyu buɛɛ aayá na ukyuli uulie ngba na ɔɔkɛ́ ɔyikun. Na unyemi ɔni mɔɔnyi ɔkɔ ɔɔdú ukyuli kɔyu.

Agba 4:13

Da mina ala ani na lɛ́tina-a na tanyonu-mu Da-mu kaduɛ, ɔsika ala ammɔ ndi ƒula ngba.

Agba 8:32

“Ɔmɛni ɔsu ni, mina bebi, binu-mi litemi, ɔsika lɛlɔ lɛdubɔyɔ bekyuli bani ƒui mɔɔsia-mi kasiakɔ.

Agba 8:34

“Lɛlɔ lɛdubɔyɔ bekyuli bani muunú-mi litemi na baanu-mi ulu limeyi ndi limeyi na benye bagya-mi na mina kayakun kenye.

Etemila 7:12

Ɔsika lɛnunda lɛdubudie-ɔ na lɛla biala kemmo aani egulabi. Na lɛlati ku kasusu buni kadubo-ɔ bɔgyumana ngba uwi ƒui.

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”

Budie Taatina 22:2

Na ketu kammɔ kaagbá taavi ɔma ɔmmɔ ɔblɔnu ntɛ. Na kana lɛvi inyɔ bɔmmɔ lɛlɔ ni, kugyii kɔni muute ngba kunye ku kuna ebi lidu leevu-inyɔ bɔmmɔ, na kɔɔnwu ebi ammɔ kɔbuli biala. Na kugyii kɔmmɔ evete adi kuvo kɔni na beti babwi kalɔ ƒui bekyuli.