Agba 3:12 - Katɔti Ɔku Kedee

¹² Ɔsika bekyuli bani na Unwoti ɔɔyɔ́ ni, ama na ɔɔlɛ kpakplaa aani kalɛ na ubi ɔti ɔdi ɔɔní ubidi ɔni na ɔɔyɔ́ kɔtu.

Agba 3:12 ပူးပေါင်းရင်းမြစ်များ

Kɔgya 103:13

Kalɛ na bebi lɛlɔ lɛɛbla bana bawɔne kɔnyana ni, lɛni na Unwoti lɛnɔ bekyuli bani mɔɔyia-nwu lɛlɔ lɛɛbla-nwu kɔnyana.

Kɔgya 94:12

Unwoti, lɛlɔ lɛdubɔyɔ ukyuli ɔni na áni kɔtu na édie ƒula ɔda bubo átina-nwu.

Agba 13:24

Si éni na átatumini ƒula bebi ni, ɔɔtina ka alayɔ-ma. Na si aayɔ́-ma bɔdi ni, ɔlɛka enye kpakplaa na ada-ma kalɛ na ɔ́manku.

Agba 29:17

Tumini ƒula bebi kaduɛ na badubɔya na akɛ atu bɔyɔ. Na badubɔya ƒula kɔyu lɛlɔyɔ.

Lɛkpa Ulu 8:5

Anwuɔsu bɛya na ɔbla-mii kasusu ka kalɛ kani na si bina bebi bábla ala ani naaadia na bɛɛdɔnku-ma ni, lɛni kani na si amii lɛnɔ bɛ́bla ala ani naaadia Unwoti Katɔti lɛnɔ na ɔdubɔdɔnku-mii.

Hebriƒuɔ 12:6

Ɔsika bekyuli bani na Katɔti ɔɔyɔ́ ni, ama na ɔɔlɛ kpakplaa. Na bani lɛnɔ na ɔɔƒɔ́ ka badi anwu badi ni, ama na ɔɔní kɔtu.”

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.