Agba 29:4 - Katɔti Ɔku Kedee

⁴ Ɔga ɔni mɔɔdi bekyuli lɛlɔ ulu lɛlɔ siin ni, ɔɔyá nwuna kalɔ keesé kpoo na baakɛ́ atu bɔyɔ. Nsu ukyuli ɔni mɔɔwia ka utaaƒɔ ala bekyuli kudɔ na bɔbɛ kemmo taadi uwi ndi uwi ni, uubile kalɔ kammɔ.

Agba 29:4 ပူးပေါင်းရင်းမြစ်များ

Samuel 2 8:15

Ɔ́di Israelƒuɔ ƒui lɛlɔ kaduɛ ɔni na ɔ́bla ala siin úte nwuna bekyuli.

Baga 1 2:12

Ɔmɛni ɔsu Salomo úlie ɔti Dawid liboku lɛlɔ na nwuna lɛgadi línye kaduɛ.

Ala Alɛdi 2 9:8

“Muumwi Unwoti ƒula Katɔti. Ƒula lɛlɔ lɛ́yɔ-nwu kaƒɔ na ɔ́bla-a Israelƒuɔ ɔga. Na Katɔti ɔɔyɔ́ kadi kamɛni bekyuli na uledie-ma atu lɛnɔ kudii, anwuɔsu na úte-ma ɔga ɔni ndubɔdi-ma lɛlɔ na ɔtɛ lɛla biala na ulu siin lɛlɔ.”

Hiob 11:6

Na ɔsu-ɔ ka lɛnunda lɛɛɛdi unwi, na abɛla lɛnɔ akya-nwu kemmo. Ɔlɛka ɔbla-a nwaa ka bɔyiƒala muedi na Unwoti ɔ́yiƒala ƒula ekpidi adi bene.

Kɔgya 89:14

Ƒula bɔyɔ bɔni na aayɔ́-bu uwi ndi uwi ku kalɛ na asia ƒula litemi kama ntɔ-ɔ anumi na uudie-ɔ keyi ka ƒula lɛgadi lɛmmɔ ƒui linye kpakplaa lite ala bɔbla siin ku litemi bɔtɛ na ulu lɛlɔ.

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Agba 14:34

Kadi bani mɔɔyia Unwoti ni, baalɛ́ lili ku ɔyikun. Nsu likpidi lɛdi kɔƒa ala ute kadi biala.

Agba 16:10

Ɔga ɔɔtɛmi lɛnunda etemila ku Unwoti ɔyikun, na utalɛka ɔnu anumi ɔtɛ litemi.

Agba 16:12

Ɔga ɔdi ulayɔ likyulikpi ala bɔbla, ɔsika litemi geen lɛlɔ bɔdi lɛlɔ na ɔɔsia taadi bekyuli lɛlɔ.

Agba 20:8

Si ɔga ɔdi ɔ́tɛ litemi na uukulo-ni ni, ɔɔkali kenye kani ƒui na bekyuli bédie na litemi lɛmmɔ lɛlɔ taanu, na ɔƒuna ala ƒui kemmo ɔnu asa na ukulo litemi lɛmmɔ.

Agba 29:14

Ɔga ɔni mɔɔtɛ bawabane litemi ulu siin lɛlɔ ni, nwuna lɛgadi liinye kpakplaa teetu uwi.

Agba 8:15

Mina lɛlɔ na baga baasia taadi bekyuli lɛlɔ. Na lɛlɔ badine beeti ɔda bubo bɔbuni teete bekyuli.

Yesaia 49:8

“Si mina uwi údu ka lɛƒɔ-mii ngba ni, ndubunu bina bɔkpali na libunku-mii. Na ndubɔgyumana-mii na lɛda-mii kɔkɔɔkɔ. Na ɔkɛnku amii ɔsu ni, ndubo bunyimiku kadi bekyuli ƒui bunyimi bɔdi. Na ndubɔya na bɛsɔ bilie kalɔ kpi na bina kalɔ kani nwi na lɛla biala líbie-ka kemmo ɔƒɛni mɛni kemmo.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Daniel 11:20

“Na ɔmmɔ kama ni, ɔga bamba ɔni ndubɔkya katɔ kakɛ mmɔ ɔdubɔwia ka utaaƒɔ kuyi taasiku bekyuli bammɔ kudɔ kalɛ na ɔya na nwuna lɛga kadikɔ kekeye. Nsu akwa adi kama ni, anwu lɛnɔ ɔdubo bɔwɔlɔ na ɔyii ɔkya kɔnakunwi ɔni na ɔɔɔdanku ukyuli kɔnyi ablala iye kekpo kemmo.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Samuel 1 13:13

Amu na Samuel ɔ́su Saul ɔnini, “Adɔlɔla geen na adi na ábla mɛni. Bi ɔsu na átadi Unwoti etemila lɛlɔ. Si banii bɔdi na ádi nwuna etemila lɛlɔ ni, nka Unwoti ɔdubɔya na awɔ ku ƒula kaba kemmo bebi bɛdi lɛga na Israelƒuɔ lɛlɔ uwi ƒui.