Agba 29:2 - Katɔti Ɔku Kedee

² Si ala aatɛku bekyuli babuni ni, bekyuli baakɛ́ lɛlɔyɔ. Nsu si bekyuli bekpidi mɔɔdi bekyuli lɛlɔ ni, bekyuli beedumo.

Agba 29:2 ပူးပေါင်းရင်းမြစ်များ

Ester 3:15

Ɔga Ahasweros ɔ́ya na bákɔ litemi lɛmɛni lɛsa na kesii biala, na ɔ́lɛ lɛni na Susa ɔma unengudi kemmo lɛnɔ. Na ɔmmɔ kama ni, Ɔga Ahasweros ku Haman bétélie kalɔ na báni ntɛ. Nsu litemi lɛmɛni lɛ́bla Susa ɔma bekyuli dɛye dɛye, na lɛsɛ lɛ́ƒɔ-nwu kemmo ƒui.

Ester 8:15

Ɔmmɔ kama ni, Mordekai ɔ́da lɛlɔ na ɔ́vi ɔ́lɛ ɔ́si ɔga kesii mmɔ. Na ɔda agala ani ndi lɛwu lɛƒualadi ku ligyiedi, na ubi sika ugyiedi kagabwa lili na ɔkya awu ɔbunidi ɔni náƒɔ kuye geen. Na kudu kúwi na Susa ɔma unengudi ɔmmɔ ƒui kemmo.

Hiob 34:30

Na bekyuli baaadubo lɛla lɛdi bɔkana bɔbla, na belikplune bada-ma lɛlɔ bɔdi baya.

Agba 11:10

Si ala aatɛ teete ukyuli ɔbuni ni, ɔma ɔmmɔ bekyuli baakɛ́ lɛlɔyɔ. Lɛni kani si ukyuli ukpidi úkpi ni, kaƒɔ kaayɔ́-ma.

Agba 28:12

Si ala aadianku bekyuli babuni ni, lɛlɔ lɛɛyɔ́ ukyuli biala. Nsu si bekyuli bekpidi benye ala kenye ni, ukyuli biala ɔɔbɛ́.

Agba 28:15

Ukyuli ukpidi ɔni mɔɔdi bekyuli lɛlɔ ni, ɔdanku ɔgbankpi bonwu ute bawabane aani kalɛ na ebuo ukpidi uuƒie bekyuli.

Agba 28:28

Si belikplune baadi bekyuli lɛlɔ ni, bɔbɛ na bekyuli baabɛ́. Nsu si belikplune básiaku ɔgbankpi ni, bekyuli bani nse siin beemomo.

Etemila 10:5

Lɛ́nu likpidi bamba bɔbla na kalɔ kamɛni lɛlɔ. Na batɔnkune bani mɔɔdi bekyuli lɛlɔ mɔɔbla likpidi lɛmɛni.

Etemila 10:6

Na ama muuti badɔlɔdi teenyene kunyekɔ kɔni mbo ɔbu na balakɛne mmomu na beeboku kalɔ.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Mateo 2:3

Uwi ɔni na Ɔga Herode únu litemi lɛmɛni ni, ɔƒɛ ɔ́da anwu ku bekyuli bani nkya Yerusalem mmɔ ƒui geen.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”