Agba 28:4 - Katɔti Ɔku Kedee

⁴ Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Agba 28:4 ပူးပေါင်းရင်းမြစ်များ

Baga 1 18:18

Amu na Elia údie kenye ɔnini, “Ńtakya lɛsɛ lɛdi na Israel. Nsu awɔ ku ƒ'ɔti kaduli na ɔ́si. Ɔsika bíni Unwoti ɔda bubo na bísie bɛ́siaku Baal kama.

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Nehemia 13:15

Uwi ɔmmɔ kemmo ni, lɛ́nu bekyuli ka baabla ntɛ na lɛnwunameyi lɛlɔ na Yuda. Na badi lɛnɔ bákya beeti bana edula ku ntɛ ku adingyii ebi ku ala bamba na bényimi básia bana bebuo ala betine kama. Na líbo-ma ɔda kpakplaa ka ɔdi úteti nwuna lɛla lɛdi utéye lɛnwunameyi lɛmmɔ lɛlɔ.

Nehemia 13:28

Na ɔkpane Unengudi Eliasib ubidi Yoiada bebi bammɔ kemmo unwi úti Horonni Sanbalat ubidi ulekubi. Ɔmɛni ɔsu lɛ́bɔku-nwu lɛ́lɛku Yerusalem.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 49:18

Ina dɛ na akɛla aakɔ́ ukyuli katɔ na ala aatɛku-nwu na beemwi-nwu ni,

Yeremia 5:30

“Ɔƒɛ ɔɔdá-mi na likyulikpi ala bonwu bonwu ani udu na binye bɛɛbla na kalɔ kammɔ lɛlɔ na eekpóku bekyuli ɔsu.

Mateo 14:4

Ɔsika Ntu Ɔkpilane Yohane ɔ́su Herode ɔnini, “Katɔti ɔda bubo buléte kuƒi ka nka eti ƒula ɔnwani ulekudi Herodia.”

Mateo 3:15

Nsu Yesu údie kenye ɔnini, “Awɔ nu kalɔ na bɔbla-nwu lɛni ɔƒɛni asa. Ɔsika ɔmɛni ndubɔya na bɔbla Katɔti lɛƒɔyɔ.” Anwuɔsu Yohane únu kalɔ.

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Batalane Kabla 12:22

Na nwuna butemi bɔwɔlɔ ni, bekyuli bamɛni bémwi-nwu ku bɔva na básu banini, “Unwoti Ɔyikune geen muutemi! Na ɔɔɔdi ukyuli ɔyawine!”

Batalane Kabla 15:2

Nsu Paulo ku Barnaba ku bekyuli bamɛni báni litemi lɛmɛni bénene kaduɛ. Ɔmɛni ɔsu ni, báya na baƒɔtaadine badi básiaku-ma na bésie Yerusalem kalɛ na ama ku baƒɔtaadine bani nkya Yerusalem mmɔ batátɛmi basiku ɔlɔna bukulo kɔtɛ kɔmɛni lɛlɔ.

Batalane Kabla 19:9

Nsu badi ama bétenu nwuna litemi buni lɛmɛni, na báta bénye Blɔti lilu ku ala bɔtina lɛlɔ na kadi ƒui anumi. Anwuɔsu Paulo ɔ́tɔlɔ-ma kudɔ. Na útiku bani náƒɔ bádi úsienku Tirano lɛgbanya kemmo. Na mmɔ na útaatɛmiku-ma limeyi ndi limeyi.

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Eƒesoƒuɔ 5:11

Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Yohane 1 4:5

Kayawi lɛlɔ bekyuli kani na badi. Na baatɛmi taasiku kayawi ala lɛlɔ. Na kayawi bekyuli lɛnɔ beenú-ma litemi.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.