Agba 28:20 - Katɔti Ɔku Kedee

²⁰ Ukyuli ɔni mɔɔsia ala anu taabla-nya ulu lɛlɔ ni, ɔdubɔkɛ lɛyuƒɔla bonwu. Nsu ukyuli ɔni mɔɔwia ka unwini ɔlakɛne kɔnakunwi ni, ɔdubuduo ɔgbankpi kemmo.

Agba 28:20 ပူးပေါင်းရင်းမြစ်များ

Agba 13:11

Lɛkɛ lɛni baasia ulu gontii lɛlɔ taakɛ liiibo bɔyii. Nsu lɛla lɛni na aakɛ́ blii blii na ulu lɛlɔ lɛɛwɔ teebu.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Agba 28:22

Ukyuli ɔni mbo sika lɛnungyie mɔɔwia ka ɔkɛ lɛkɛ pla, nsu ɔɔɔgyi ka kɔwaba kemmo na úsela utéduo.

Agba 20:21

Si ɔnamu úyile nwuna kadikɔ kani na ɔti úse-nwu bɔƒɔ ni, kusɛ kusɛ ulásiaku-nwu taatáwɔlɔ.

Agba 10:6

Kusɛ kusɛ ɔɔsiaku bekyuli bani mɔɔbu Unwoti. Na bekyuli bekpidi baabɛla bana kasusu kekpidi kɔkwɛ.

Kɔgya 101:6

Ndubɔsia anu na bekyuli bani mɔɔdi Katɔti litemi lɛlɔ na kalɔ kamɛni lɛlɔ na ami ku-ma bulie. Na bekyuli bani mɔɔbla ala ulu geen lɛlɔ ni, ama ndubɔbla-mi kabla.

Nehemia 7:2

Na líti mina ɔnwani ɔni baalɔ banii Hanani ku bana bekpone unengu Hanania ka bataanu Yerusalem lɛlɔ. Na Hanania ɔmmɔ ni, ɔdi ukyuli ɔni na ɔɔbla ala ulu lɛlɔ, na ɔɔyɔ́ Katɔti teetulo bekyuli bammɔ ketulodikɔ.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.

Luka 16:1

Yesu ɔ́su nwuna batɛyane ɔnini, “Dii ni, ɔlakɛne ɔdi ɔ́kya ɔni mbo kabla ɔblane ɔni mɔɔnu-nwu ala lɛlɔ. Amu na bábasu ɔlakɛne ɔmmɔ ka nwuna ala lɛlɔ ɔnune ɔmɛni uubile-nwu egulabi.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Agba 20:6

Bakpana pii baasu ka badi bakpana buni bani naaalɛ bana bakpana kama, nsu ɛlɛɛ na badubɔnu na bana akɔ ka baadi bana litemi lɛlɔ sɔsɔ.

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Samuel 1 22:14

Amu na Ahimelek údie lɛlɔ kenye na ɔ́su Ɔga Saul ɔnini, “Ati, Dawid ni, awɔ ɔlati ƒula ɔnamu na ɔdi. Na ulakana lɛla lɛni na aasu mɛni udu bɔbla na ƒula lɛlɔ kudii. Na ɔdi ƒ'ubidi ɔgyani. Na ɔni ntulo lɛnɔ ndi ka anwu ndi ƒula bekpone bani mɔɔgyumana-a ƒui unengu. Na ƒula bekpone benengu bamba ku kabla bablane ƒui lɛnɔ baabu-nwu geen.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Agba 19:2

Si anumi égyie-ɔ kabla lɛlɔ na eeebo lɛlati ni, ɔɔɔdia. Na si eesié pla pla taagya ni, adubɔkana na ayii ulu.