Agba 28:16 - Katɔti Ɔku Kedee

¹⁶ Ɔgadine ɔni na ɔ́dɔlɔ kani mɔɔnya nwuna bekyuli taakya. Nsu ɔga ɔni na ukisi si ukyuli uládi litemi geen lɛlɔ iye ɔɔbɛ́ taaƒɔ ala bekyuli kudɔ ni, uulie ngba gyɔlɔɔ.

Agba 28:16 ပူးပေါင်းရင်းမြစ်များ

Baga 1 12:10

Amu na nwuna ligyekpa bakloƒu bammɔ bédie kenye banini, “Bekyuli bani násu-ɔ banini, ‘Ƒ'ɔti útile-bu etila ani na étulo-bu, awɔ bla-nya na abla-bu ƒaa ƒaa’ mmɔ ni, su-ma anini, ‘Mina kɔnu lɛnimi libliidi ƒui líbomo litulo mina ɔti kavobi.

Baga 1 12:14

na úti bakloƒu bammɔ mmomu kasusu kani na bákya-nwu na ɔ́su-ma ɔnini, “Mina ɔti úti etila ani na ebo unu ɔ́sia-mii lɛlɔ. Nsu mɔɔsu-mii ka mina adi adubɔyu unu etulo nwuna adi. Na kugyiimi na úti úbo-mii, na nsu ami ndubuti batamlukpa lɛka bɔta-mii.”

Israelƒuɔ Bɔlɛ 18:21

Na awɔ édie ɔma ɔmmɔ bekyuli bani na bebo ɔlɔkplu na beeti ɔbu teete Katɔti, na baabla ala ulu lɛlɔ, na badi bekyuli bani neeebo egulabi lɛnungyie, na eti-ma enyene nkyuli mpim mpim kenye ku eti anyɔ anyɔ kenye ku liti liti kenye ku leevu leevu kenye.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Etemila 10:16

Kalɔ kani ɔtɔnkune mɔɔbla anamula na bɔdi ku bɔni emeyi bɔdi kani na nwuna benengu belie bete ni, bɔbuɛ na beete kalɔ kammɔ.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yesaia 3:12

Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.