Agba 28:13 - Katɔti Ɔku Kedee

¹³ Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Agba 28:13 ပူးပေါင်းရင်းမြစ်များ

Ala Kalɔ Buse 4:9

Amu na Unwoti Katɔti úye Kain ɔnini, “Wɛ na ƒ'ɔnwani Abel ɔ́vi?” Mmɔ na Kain údie kenye ɔnini, “Lɛɛɛgyi. Ɔɔɔdi mina kudɔ na uli.”

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Samuel 2 14:32

Amu na Absalom údie kenye ɔnini, “Nu, lɛ́tala nnii babalɔ-ɔ na etéye ɔga lɛla lɛni ɔsu na lɛ́si Gesur líbo mɛni. Na si mmɔ na lɛ́sɔ nkya muedi na nka ɔɔɔdia uuutulo? Anwuɔsu ya na lɛnu ɔga anumi kɔnakunwi, na si lɛ́bla likpidi lɛdi ni, na ɔdu-mi.”

Baga 2 20:15

Na Yesaia úye Hesekia ɔnii, “Bi na bekyuli bammɔ bánu na ɔga kaduli mmɔ?” Amu na Ɔga Hesekia údie kenye ɔnini, “Lɛ́ya bekyuli bammɔ bánu lɛla biala. Na lɛla lɛdi lítebu na ala kesekɔ ɔtɔ ɔmmɔ kemmo ɔni na ńtaya na banu.”

Ala Alɛdi 2 6:26

“Ɔƒɛni kalɛ bakana na baƒiɔ-ɔ na ani-ma kɔtu na étile kayaa na ɔnantu ɔsɔ ulana. Nsu si báda bana ekpidi bɔbla báya na bénwini bánu kakpakɔ kamɛni na bévele-ɔ lɛla lɛdi na ƒula lɛnyi kemmo ni,

Esra 10:11

Anwuɔsu ɔƒaani ni, bidie bina ekpidi kalɔ bɛtina bina Unwoti ɔni ndi bina bati kuuku Katɔti na bivele-nwu. Na bɛbla lɛla lɛni mayɔ-nwu kaƒɔ. Na bɛda lɛlɔ bɛmami kadi bamba bekyuli bani na beli bámana-mii mmɔ lɛlɔ na bɛnyonu bana beleku bammɔ.”

Esra 10:2

Amu na Yehiel ubidi Sekania ɔni nási Elam kaba kemmo ɔ́kpɛ úde Esra na ɔ́su-nwu ɔnini, “Bɔ́lɛ bula Katɔti kama. Ɔsika búsie bɔkya buuti kadi bamba beleku bani nlie nde-bu. Nsu ɔmɛni kama ƒui ni, bɔmu bubo lɛnunsia bute Israelƒuɔ.

Nehemia 9:2

Na Israelƒuɔ geen bámami lɛlɔ bédie báƒɔ bani nkya-ma akɔ kudɔ. Na béténye sɛsɛɛ, na bévele bana ekpidi ani bábla, na bévele béte bana bati kuuku likyulikpi lɛni bábla lɛnɔ.

Hiob 31:33

Ńteti mina ekpidi adi ńtabɛla bekyuli kalɛ na badi baabɛla bana ekpidi taakya kayi kemmo banii ɔdi utati.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Hiob 34:31

“Hiob, bɔsu na ɔlɛka asu Katɔti anii áƒiɔ, na eekpi-nwu kɔtɔ. Na ɔmɛni kama ni, adubo lɛla lɛni mayɔ-nwu kaƒɔ butaabla.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Agba 10:12

Ukyuli bukisi bɔɔkya kadɔ ɔgya. Nsu bɔyɔ bɔsɔ bulánu likpidi na ukyuli lɛlɔ.

Agba 17:9

Si alásia ukyuli bamba alaekpidi anu ni, bɔyɔ buláyii udu. Na si aaká ukyuli bamba ekpidi taasu bekyuli ni, eegyingya bakpana babuni muedi ntɛ.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yeremia 2:35

bɛ́mu binye bɛɛsu kpakplaa ka likpidi lɛdi lɛɛɛma-mii lɛlɔ. Na bɛɛwia ka lɛda kɔnyi buti taakya-mii lɛya. Anwuɔsu ami ku-mii bɔdubo litemi katɛkɔ bulie na bɔnu ukyuli ɔni ɔdi nátɛ.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Lewiƒuɔ Ɔda Bubo 5:5

“ ‘Na si ɔdi ɔ́nu ka ɔ́bla likpidi ɔ́ƒiɔ na ala ani ƒui na lɛ́ka lɛ́vi mɛni ɔdi lɛlɔ ni, ɔlɛka udie lɛla lɛni na ɔbla kalɔ ɔsu nwaa na kadi anumi.

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Litemi Batɛne 10:15

Nsu Israelƒuɔ ama kɔtɔ kani na bakya beekpi Unwoti taasu banini, “Bɔ́bla likpidi na ƒula anumi. Anwuɔsu bla-bu lɛla biala na námanku-bu. Nsu buvele bɔda-a, ƒɔ-bu lɛku bekyuli bamɛni enu kemmo.”

Samuel 1 15:13

Ka Samuel útásiaku-nwu ni, Saul náka-nwu kenye bɔkya ɔnini, “Katɔti kusɛ kusɛ ɔsiaku-ɔ, ɔsika lísie ńtábla lɛla lɛni na ásu-mi.”

Samuel 1 15:24

Mmɔ na Saul ɔ́su Samuel ɔnini, “Lɛ́bla likpidi lɛ́ƒiɔ Unwoti na lɛ́ta línye nwuna litemi lɛlɔ. Na ńtenu ƒula bɔlɛ, ɔsika lɛ́yia bekyuli bammɔ mmomu, na línu-ma litemi.

Samuel 1 15:30

Mmɔ na Saul ɔnini, “Lɛ́bla likpidi sɔsɔ, nsu te-mi ɔbu na mina bekpone ku Israel kadi bekyuli bammɔ ƒui anumi, na abasiaku-mi na lɛsɔ ntákya lili kalɔ lite Unwoti, ƒula Katɔti.”