Agba 27:24 - Katɔti Ɔku Kedee

²⁴ Ɔsika lɛlakɛ lilese uwi ƒui. Na kagabwa lɛnɔ kelébi ukyuli lili taasi kaba útédu kaba.

Agba 27:24 ပူးပေါင်းရင်းမြစ်များ

Samuel 2 7:16

Ƒula ɔtɔ kemmo ku ƒula lɛgakadikɔ kadubuse keteesie uwi ƒui.’ ”

Hiob 19:9

Údie ɔbu biala na mina lɛlɔ, na úbimi-mi kagabwa lɛnɔ na mina lili.

Kɔgya 89:36

Na nwuna kaba kemmo bebi lɛgadi lɛdubuse úsela uwi ƒui. Na kalɛ kani na ɔƒɛ ɔɔtu ni, lɛni kani na nwuna lɛga kadikɔ kammɔ kadubunye na mina anumi.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Agba 23:5

Ɔsika lɛlakɛ lɛɛyii na ukyuli anumi, na lɛɛtɔlɔ aani kalɛ na aasɛ uuveyi taatɔlɔ!

Etemila 5:13

Lɛ́ɛnu likyulikpi ala enengudi geen na kalɔ kamɛni lɛlɔ ɔni na akɛla ani na ɔlakɛne ɔ́tɛ úse lɛlɔ énwini-nwu ɔgbankpi.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Esekiel 21:26

Ami Unwoti Katɔti muudie lɛdi taakya-a ka edie ƒula ɔyikun lɛduni lɛni nda-a lɛlɔ ku ƒula kagabwa ƒui ese, ɔsika lɛla biala lɛdubo bɔvumana ɔ́si ɔƒɛni. Na bani ƒui na beeebo ɔyikun kenyekɔ kadi kuuku ni, ama ndubo kunyekɔ kɔmmɔ bunye ɔƒaamu. Na bani na nka baadi lɛlɔ mmɔ ni, badubo bekyuli keeke bani lɛlɔ neeebo kɔsia bunwini.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Yakobo 1:10

Lɛni kani na si Katɔti úboku ɔƒɔtaadine ɔni ndi ɔlakɛne kalɔ ni, anwu lɛnɔ ɔya na lɛlɔ litaayɔ-nwu. Ɔsika ɔlakɛne biala uwi ɔdububo ubavi aani kalɛ na lɛku kemmo kugyii kuuwiile kuna anwula teewi kalɔ.

Samuel 1 13:14

Nsu ɔƒaani ni, ƒula lɛgadi lɛsɔ lilenye uwi ƒui. Ɔsika Unwoti ɔ́ɔƒuna ukyuli bamba ɔni na nwuna kayi kaayɔ́ ka ɔtɔnku nwuna kadi bekyuli. Ɔsika awɔ átadi nwuna ɔda bubo lɛlɔ.”