Agba 27:22 - Katɔti Ɔku Kedee

²² Si éti badɔlɔdi éwi kaawɛ kemmo na égyuo-ma muedi ni, alakana bana kɔdɔlɔ bule bɔsiku bana kɔdɔlɔ kudɔ.

Agba 27:22 ပူးပေါင်းရင်းမြစ်များ

Baga 1 13:33

Nsu na ɔmɛni ƒui kama ni, Ɔga Yerobeam útavumana nwuna likyulikpi ɔbladu ɔmmɔ. Na busie na úsie anumi na uudie bekyuli keeke taasiku kɔduli kemmo na beenwíni bakpane teete nwuna akpabi ani na ɔ́tu ɔ́lɛ abi eli. Na ukyuli biala mɔɔyɔ́ ka ɔbla ɔkpane ni, na uti-nwu ɔbla ɔkpane.

Israelƒuɔ Bɔlɛ 12:30

Na ka Ƒarao ku nwuna benengu ku Egyipteƒuɔ bekyuli békeyi lɛlɔ bágyinya usien ɔmmɔ ni, ukyuli biala úse kalɔ uuwulo. Ɔsika Egyipte kaduli biala kemmo ni, ukpine ɔtɛ.

Israelƒuɔ Bɔlɛ 14:5

Amu ka básu Ƒarao ka Israelƒuɔ békeli bátɔlɔ ni, anwu ku nwuna benengu bávumana kasusu na béye lɛlɔ banini, “Bi adɔlɔla adi na bɔ́bla mɛni? Bɔ́ya na Israelƒuɔ békeli bátɔlɔ. Na ɔma bene nsɔ ndubɔbla kabla bete-bu?”

Israelƒuɔ Bɔlɛ 15:9

“Ukisine ɔmmɔ ɔ́kun lɛmɛnɛ ɔnini, ‘Ndubɔbi bɔsiaku-ma na ntáka-ma lɛkya. Na liƒie-ma ala lɛƒɔ na lile-nya na lɛdi-nya kalɛ biala na mɔɔyɔ́. Ndubɔkpa mina kewii liti lɛyila-ma udu.’

Agba 14:24

Lɛlakɛ lɛdi kagabwa kete banundane. Na badɔlɔdi kogyoklo ƒui ni, adɔlɔla ebi na aanwu.

Agba 23:35

Na adubo bɔsu anini, “Báƒiɛmi-mi ugyii, nsu útabla-mi lɛla lɛdi. Na uwi ɔni beebó-mi muedi ńtati. Uwi ɔmani na ndubɔta na lɛsɔ ntáni bɔdi?”

Agba 26:11

Kalɛ na akpewe ɔsɔ uuti nwuna kɔdala ni, lɛni na ɔdɔlɔdi ɔɔsɔ teenwini teesie nwuna kɔdɔlɔ ala bɔbla kudɔ.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yeremia 13:23

Aakali ka adubɔvumana na ataabla lɛla lɛni na lɛdia ɔƒaamu?

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Samuel 1 19:21

Na ka Saul únu lɛla lɛmɛni ni, ɔ́sɔ ɔ́tala bekyuli bamba ɔnii betéƒie Dawid. Na ama lɛnɔ ni, lɛni kani na Katɔti Kɔyu kɔ́tɔnku-ma na bése kalɔ beebo Katɔti kudu. Ɔmmɔ ƒui Saul ɔ́sɔ ɔ́tala bekyuli kɔtɛdi, na ama lɛnɔ ni, ɔmmɔ kani nálɛku-ma.