Agba 26:24 - Katɔti Ɔku Kedee

²⁴ Bekyuli bani na bekyuli litemi lɛkya-ma kayi ni, uwi ɔdi baatina ka badia geen, nsu taƒɔ-ma tadi.

Agba 26:24 ပူးပေါင်းရင်းမြစ်များ

Ala Kalɔ Buse 34:13

Na ka úubile Dina ɔsu ni, Yakob bebi bátɔlɔ Sekem ku ɔti Hamor na bédie kenye básu-ma lɛla lɛni mayɔ-ma kaƒɔ kani.

Samuel 2 13:26

Ka ɔ́su-nwu lɛni ni, Absalom úvele ɔti ɔnini, “Si bina ƒui bilebo ni, ya na mina ɔnwani Amnon anwu ubo.” Mmɔ ni, ɔga úye-nwu ɔnini, “Bi ɔsu na aawia ka ƒ'ɔnwani Amnon ubo mmɔ?”

Samuel 2 13:27

Nsu Absalom únye-nwu lɛlɔ laa na únu kalɔ ka Amnon ku baga bebi bakladi basiaku-nwu.

Samuel 2 20:9

Mmɔ na Yoab úgyele Amasa na úye ɔnii, “Ɔnwa akya kaduɛ?” Ka uuye-nwu ɔmɛni ni, Yoab údie kɔdianu na úƒie Amasa ukwi ɔ́da aani si kɔgbu na ɔnii ɔɔkya-nwu.

Nehemia 6:2

Sanbalat ku Gesem béti kenye kamɛni bémene-mi. Na aka ndi ka ni, “Bo na abu ku-ɔ bɔsa na Ono akpaklɔ ani nwi ƒiaa mmɔ kemmo unwi.” Nsu lɛ́nu lɛ́ti ka lɛkwɛ likpidi na baakya.

Kɔgya 12:3

O Unwoti, kalɛ-ma kenye na bada lɛmɛnɛ bɔkun baya.

Kɔgya 28:3

Taka-mi takya alaekpidi bablane akɔ na ani-bu esienku litemi katɛkɔ. Badi bekyuli bani muute bana bakpana keyi buɛɛ, nsu likpidi sɔɔn nkya-ma kayi kemmo.

Kɔgya 41:6

Na si ɔdi úbo úbanu-mi ni, kasusu kekpidi na uuti na mina lɛlɔ na baagyingya ɔkɔ etemila taavi.

Agba 10:18

Ukyuli ɔni muukisi ukyuli na ɔɔbɛla-mu ɔdi ɔkɔ ɔnyine. Na ukyuli ɔni mɔɔlɔ bekyuli anyikpi ɔdi ɔdɔlɔdi.

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 12:17

Ukyuli ɔni muudie lɛla lɛni na ɔ́nu kenye ulu lɛlɔ ni, ɔɔsu litemi geen lɛmmɔ. Nsu ukyuli ɔni muudie lɛla lɛni na útanu kenye ni, ɔdi ɔkɔ ɔnyine.

Agba 12:20

Ɔkɔ etemila aaƒɔ́ bekyuli bani muuti likpidi kasusu kayi kemmo ƒui. Na bani lɛnɔ na keyi buɛɛ kasusu na beeti ni, lɛlɔyɔ mɔɔkya-ma kayi kemmo.

Agba 12:5

Kɔkwɛ kɔni na ukyuli ɔbuni ɔɔkya kɔɔsia ulu lɛlɔ. Nsu ɔlalane bɔlɛ bɔdanku ɔgbankpi.

Agba 14:8

Banundane ni, baanu uwi ɔni ntɔ anumi ɔdubo ƒui taati lɛla lɛni ndubo libalɛ. Nsu badɔlɔdi ama bana lɛlɔ kani na baatɔ́lɔ.

Agba 23:7

Badubɔsu-ɔ banini, “Di na ani,” nsu ɔɔɔdi ku bana kaƒɔ ƒaa. Benye baabu ala ani na aadi akunta kalɛ na édu.

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Samuel 1 18:17

Amu na limeyi lɛdi ni, Saul ɔ́lɔ Dawid na ɔ́su-nwu ɔnini, “Aanu mina ubi ulekubi unengudi Merab mɛni. Ndubuti-nwu lite-ɔ na eti aani ƒ'ulekudi si adubɔbla-mi kabla aani ukpone ɔni mɔɔbla kayi, na ekpo kekpo na Unwoti lɛnyi kemmo.” Nsu ɔmɛni ƒui ni, kɔkwɛ kani na Saul ɔɔkya, ɔsika ɔɔwia ka Ƒilistiƒuɔ badu Dawid si bésie kekpokɔ, na ulekpi na Saul ɔlati enu kemmo.