Agba 26:12 - Katɔti Ɔku Kedee

¹² Badɔlɔdi lɛnunsia na ala lɛlɔ ni, ɔdia utulo bekyuli bani mɔɔkali ka báda anu, nsu bátada anu.

Agba 26:12 ပူးပေါင်းရင်းမြစ်များ

Agba 12:15

Badɔlɔdi mɔɔkali banii baláwia ka ukyuli ɔdi ɔkya-ma kasusu. Nsu banundane beesé atu teenu bekyuli bamba bɔlɛ.

Agba 22:29

Bekyuli bani na ánu ka bebo kogyoklo geen ni, baga kabla na baabla na ɔɔɔdi bekyuli keeke.

Agba 26:16

Bakɔsɔne baanu lɛlɔ ka ama mmomu náda anu betulo banundane kasusu betine maatɛ.

Agba 26:5

Si awɔ ku badɔlɔdi bɛɛní lɛla lɛdi teenene ni, die bana ala ani na beeye-ɔ kenye na aya basɔ bakya bana kɔdɔlɔ kemmo.

Agba 28:11

Balakɛne baanu lɛlɔ aani banundane kalɛ, nsu bawabane baanu bana ayaki taati nwaa.

Agba 28:26

Kɔdɔlɔ kɔdi ukyuli ɔni mɔɔkali ɔnii uláwia bɔlɛ. Nsu bani mɔɔda lɛlɔ na lɛnunda kemmo ni, keliela kaatɛ-ma.

Agba 29:20

Áasia anu ánu kenye ɔkplu ukyuli ɔdi dii? Baakana na baasia ɔdɔlɔdi muedi lɛnu teetulo ukyuli ɔmmɔ udu.

Agba 3:7

Ƒula anumi atatɔlɔ-ɔ na anu lɛlɔ ɔnundane. Mmomu yia Unwoti na enwini kama akya likpidi.

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Mateo 21:31

“Bana kemmo ɔmani nábla ɔti ɔmmɔ lɛyɔla?” Bédie kenye banii, “Ubi unengudi ɔmmɔ.” Amu na Yesu ɔ́su-ma ɔnini, “Mɔɔsu-mii nwaa nnii beyune ku bayalɛ baaví-mii teeduo Katɔ Ɔga Ɔma!

Luka 18:11

Ƒarisini ɔmmɔ ɔ́ta anwu lɛti na útákpali katɔ ɔnini, ‘Katɔti mɔɔgyá-a enu, ɔsika liiibo egulabi lɛnungyie, na liiibo likyulikpi, na naaadi kɔsɔnɔ aani bekyuli bakladi kalɛ. Na mɔɔgyá-a enu lɛnɔ, ɔsika liiise aani kuyi ɔƒɔne ɔni ngye lɛnɔ kalɛ.

Luka 7:44

Mmɔ na Yesu únwini útánu uleku ɔmmɔ na ɔ́su Simon ɔnini, “Aanu uleku ɔmɛni? Ka líbo-ɔ kudɔ ni, étete-mi ntu anii nƒɔ lɛgba. Nsu uleku ɔmɛni úti nwuna imii ɔ́ƒɔ-mi lɛgba, na úti nwuna lili linwini úni-ni.

Yohane 9:41

Mmɔ na Yesu ɔ́su-ma ɔnini, “Si banii anumi nábwɛ-mii ni, nka bítaƒiɔ. Nsu ka amii alati bɛnii bɛɛnu ɔsu ni, ɔmɛni ɔɔtina ka bɛ́ƒiɔ.”

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.