Agba 25:8 - Katɔti Ɔku Kedee

⁸ na eti litemi lɛmmɔ esienku litemi katɛkɔ, ɔsika kɔƒa kɔdubo-ɔ bukpo si útádi-ɔ ubo.

Agba 25:8 ပူးပေါင်းရင်းမြစ်များ

Samuel 2 2:26

Mmɔ ni, Abner ɔ́kpali Yoab úmene ku lɛdi momoomo ɔnini, “Uwi útedu tɔ ka bɔda lɛlɔ bɔdu bɔya? Munuu alábu ka bula lɛlɔ lɛni na bɔɔdú lɛni uuubo kalɔ na búti lɛlɔ buunwíni bekisine? Alábala ƒula bekyuli na bada bana banwani kama bɔsiaku lɛni baya?”

Baga 1 3:25

Amu na úbo ɔda ɔnini, “Bile ubiwɔ ɔni nli ngba mmɔ kemmo inyɔ na biti kakɛ bite unwi, na biti kakɛ kanyɔdi bite ɔkladi.”

Agba 14:12

Ukyuli biala ɔɔnu kasiakɔ kadi na nwuna ngba kemmo ka nka kadia, nsu nwuna kawɔlɔkɔ ni, kekpine kani na ɔɔdá taalɛ.

Agba 17:14

Si ése kadɔ kalɔ ni, use aani kalɛ na baalɛmi kuƒi teete ketu kani báda-ka kavinkɔ ulu na kéyi.

Agba 18:6

Badɔlɔdi beeebo kadɔ bɔdɔ, na bana kama ku ugyii.

Agba 30:33

Kalɛ na si eebó akɔ lɛnyi ntu na uumi taayu ɔkplu, na si lɛla lɛdi lɛ́wɔ-ɔ enwu na ɔɔdá ni, lɛni kani na kɔnyi kuuboku kadɔ.”

Etemila 7:9

Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Mateo 5:25

“Si ukyuli ɔdi ɔnii uuti-ɔ usienku litemi katɛkɔ ni, wia uwi na awɔ ku-nwu bɛka-ni bɔklibi. Si ɔɔɔdi lɛni asa na bísie bítéduo litemi katɛkɔ mmɔ ni, ukyuli ɔmɛni ɔdubuti-ɔ ute litemi ɔtɛne. Na anwu lɛnɔ ɔdubuti-ɔ ute beƒiene na bakya-a ɔtɔ.