Agba 24:7 - Katɔti Ɔku Kedee

⁷ Ɔdɔlɔdi ɔɔnu lɛnunda kakaaka. Na si batɔnkune bása beli ni, ɔdɔlɔdi ulakɛ lɛla lɛni na ɔsu.

Agba 24:7 ပူးပေါင်းရင်းမြစ်များ

Hiob 31:21

Na ńtasia ulu ɔdi lɛlɔ na lɛyila ukpenebi ɔdi iye lɛnya-nwu lɛkya, ka mbo ɔyikun iye kenyekɔ ɔsu na litemi katɛkɔ.

Hiob 5:4

Na nwuna bebi basɔ balákɛ ukyuli ɔni medie-ma kenye na litemi katɛkɔ.

Kɔgya 10:5

Ukyuli ukpidi ablala biala aalɛ́-nwu kɔsia uwi ƒui, nsu ɔɔɔgyi ulu ɔni lɛlɔ na Unwoti ɔɔsia taatɛku bekyuli litemi. Na ɔɔmá nwuna bekisine muedi.

Kɔgya 127:5

Anwuɔsu lɛlɔ lɛdubɔyɔ ukyuli ɔni mbo-ma na bemomo. Ɔsika ɔdubɔkana na unye ɔsiaku ukisine biala udu na ɔban kenye ɔni na kɔƒa kulékpo-nwu.

Agba 14:6

Ukyuli ɔni na uuti lɛla biala taakya bɔƒia ni, si ina ɔɔwia lɛnunda muedi ulákɛ-ni. Nsu bekyuli bani muunú ala kalɔ ni, baatí lɛla.

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Agba 17:16

Si ɔdɔlɔdi ulásia lɛnunda ulu ni, ɔɔɔdi kasusu buni ka ebile egulabi anii ɔtɛya lɛla lɛdi.

Agba 17:24

Bekyuli bani mɔɔbla kasusu buni ni, bana anu aasia lɛnunda lɛlɔ uwi ndi uwi. Nsu badɔlɔdi ni, bana kasusu kelélie liku linwi, mmomu kakɛ ala ƒui lɛlɔ ɔɔwia lɛla lɛni na ɔɔɔdubo bɔkɛ.

Agba 17:7

Kɔtɛ bɔtɛmi pii ni, útamanku ɔdɔlɔdi. Na ukyuli ɔni mɔɔdi bekyuli lɛlɔ lɛnɔ ni, ɔkɔ bɔnyi bútamanku-nwu.

Agba 22:22

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Agba 31:23

Bekyuli baabu ɔgyani kaduɛ na ɔma unengudi ɔmmɔ ɔban kenye kesii kani na baasa, ɔsika ɔdi ukyuli ɔni mɔɔkya kadi benengu kasusu bakyane akɔ.

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Yesaia 32:6

Adɔlɔtɛ na badɔlɔdi baatɛmi, na likpidi bɔbla kɔkwɛ kani na baakya. Na baasu ɔkɔ ala teedumi Unwoti na baayá na kɔka ku utukwɛ ɔɔdú bekyuli na beekpi.

Amos 5:10

Bɛdi bekyuli bani nkisi bekyuli bani muudie ɔkɔ keyi na baatɛ etemila siin na beedie kenye taasu litemi geen.

Amos 5:12

Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.