Agba 24:20 - Katɔti Ɔku Kedee

²⁰ Ɔsika bekyuli bekpidi beeebo lɛnunsia na ngba bɔni ndubo kemmo, ɔsika bana asogya ɔdubo buni.

Agba 24:20 ပူးပေါင်းရင်းမြစ်များ

Hiob 15:31

Na si bana kɔdɔlɔ kɔ́ya na béti anu básia ala keeke lɛlɔ ni, lɛla lɛni neeebo kɔsia na badubo bɔkɛ.

Hiob 21:17

“Áanu dii ka Katɔti ɔ́ni bekyuli bamɛni udu kɔtu? Na kɔlɛ na ɔɔyá na ɔgbankpi uubo-ma lɛlɔ na nwuna kɔnyi ɔsu? Kudii!

Kɔgya 11:6

Na Unwoti ɔdubɔya na aƒɛ ku ogya ku ɔnyi kpatii ɔdi ɔna aani ɔnantu uwi balalane bammɔ lɛlɔ. Na ɔdubɔya na ɔƒɛƒɛɛ ɔni na ɔ́ƒɔ ogya geen uteekpo teebile bana ala uwi biala.

Kɔgya 37:2

Ɔsika uwi klukui ɔdi kama ni, Unwoti Katɔti ɔdubɔya na bamɛnɛ-ma bewi kalɔ aani livo na bakwii aani alakpi.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Agba 13:9

Bekyuli babuni ni, lɛlɔ lɛɛyɔ́-ma na bana keliela keekeye uwi ndi uwi. Nsu ɔƒɛ ɔɔsá taakya alaekpidi bablane na ɔɔbla-ma suu.

Agba 17:20

Kayi kani naaasia ulu unwi lɛlɔ ni, ala alátɛku-nwu. Na unyemi ɔni mɔɔtu ala teenwini ni, ukyuli ɔmmɔ ɔɔbla gyoli gyoli teetéduo lɛbibo kemmo.

Agba 20:20

Ukyuli ɔni muuwida ɔti iye uni ni, nwuna ngba ogya uuni.

Agba 21:4

Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Agba 23:18

Ɔsika ƒula ngba emeyi ani ndubo adubɔyɔku-ɔ, na alasia lɛla lɛdi anu alanɔ.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Mateo 25:8

Na badɔlɔdi bammɔ básu banundane bammɔ banii, ‘Bite-bu bina nnɔmii bɔmmɔ bɔdi, ɔsika bula lɛsogya lɛdaku buni.’

Mateo 8:12

Nsu Katɔti ɔdubɔbɔku Yudaƒuɔ badi bani nka badi bagadine mmɔ utákya kasuudikɔ. Mmɔ na badubuwulo na badu bana anumi.”

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.