Agba 24:19 - Katɔti Ɔku Kedee

¹⁹ Tekpoku lɛlɔ ulu biala lɛlɔ na alaekpidi bablane lilidia lɛdi lɛlɔ. Na balalane lɛlɔ litegyie-ɔ anumi.

Agba 24:19 ပူးပေါင်းရင်းမြစ်များ

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Kɔgya 119:115

Bɛgyu lɛgba bɛtɔlɔ-mi kudɔ amii alaekpidi bablane. Mina Katɔti ɔda bubo lɛlɔ kani na ndubɔdi.

Kɔgya 37:1

Kayi ketekpoku-ɔ si ala aatɛku ukyuli ukpidi. Na anumi étegyie-ɔ na nwuna kabla lɛlɔ.

Kɔgya 73:3

Ɔsika anumi égyie-mi na bekyuli bani mɔɔtalaku lɛlɔ katɔ ku bani na bebo kalala lɛlɔ ka ala aatɛku-ma ɔsu.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Agba 23:17

Alaekpidi bablane lɛlɔ litegyie-ɔ anumi. Mmomu taayia Unwoti uwi ndi uwi.

Agba 24:1

Bekyuli bekpidi lɛlɔ litegyie-ɔ anumi. Na tawia anii aakya-ma kasala kemmo lɛnɔ.

Agba 24:18

Ɔsika ɔmmɔ udu uláyɔ Unwoti kaƒɔ, na ɔdubɔda-ma kɔtu bɔni ɔya.

Bumomo Bɔka 16:26

Mmɔ na útébo Israelƒuɔ ɔda ɔnini, “Bɛta bina kuliekɔ mɛni na bɛkpɛ bɛlɛ bekyuli bekpidi bamɛni nvo kudɔ. Na ɔdi biala uteti nwuna kɔnu utetuku bekyuli bammɔ lɛla lɛdi kalɛ na ɔgbankpi ɔmmɔ ɔdi uletuku ɔdi ɔ́si bana likpidi ɔsu.”

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Eƒesoƒuɔ 5:11

Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.

Budie Taatina 18:4

Na línu lɛdi bamba ka lɛ́si katɔ mmɔ na lɛɛsu lɛnini, “Mina bekyuli, bɛvi bɛlɛ ɔma ɔmmɔ kemmo kalɛ na bilabla ekpidi ani na ɔɔbla, na ɔgbankpi ɔni mebo nwuna bekyuli lɛlɔ ulebo amii lɛnɔ lɛlɔ!