14 Lɛni kani na lɛnunda libo ƒula kɔyu emini. Anwuɔsu si ákɛ lɛnunda ni, ƒula ngba emeyi ani ndubo adubo bukeye. Na ala ani na asia anu iye aanu ulu teete ni, aláwɔ ulu.
Yesu ɔ́su-nwu ɔnini, “Si aayɔ́ anii aabla sɛɛn awɔlɔ ƒui ni, sie na etéti ala ani ƒui na ébo eye. Na eti egulabi ammɔ ete bawabane, na adubɔkɛ lɛyuƒɔla na katɔ. Ɔmmɔ kama asa na ebo abasiaku-mi kama.”
Litemi buni lɛmmɔ ndi Katɔti ɔda ɔni na úbo-bu geen. Na ani mɔɔyá bekyuli baakɛ́ bɔnwuna. Si ukyuli únu na úduo etemila ammɔ kemmo kaduɛ na útayiƒala ka ɔbla ɔsiaku-nya lɛlɔ ni, ala ani na ɔɔbla ƒui adubɔtɛ ete-nwu.