Agba 23:29 - Katɔti Ɔku Kedee

²⁹ Ukyuli ɔmani udu na kayi kaakpulu? Na ɔmani muukpóku lɛlɔ na ɔkɛ ɔɔdɔ anwu lɛti uwi biala? Na ɔma mɔɔƒɔ́ lɛlɛ lidu lidu na anumi égyie-nwu kɔɔ?

Agba 23:29 ပူးပေါင်းရင်းမြစ်များ

Ala Kalɔ Buse 19:33

Anwuɔsu usien ɔmmɔ ni, báya na ɔti ɔ́ni ntɛ úkpi na ulekubi unengudi útátɛ ɔti kudɔ. Ɔti útati uwi ɔni na ubidi ulekubi úbatɛ-nwu kudɔ ku uwi ɔni na ɔ́ta ɔ́tɔlɔ.

Ala Kalɔ Buse 49:12

Ƒula anumi aatu anumi. Na ƒula anyi eekeye.

Samuel 2 11:13

Dawid ɔ́lɔ-nwu ka ubadiku-nwu. Na ɔ́ya na ɔ́di na ɔ́ni ntɛ lɛnɔ na úkpi-mu. Nsu useyi ɔmmɔ lɛnɔ ni, Uria úni na útesie kaduli útatátɛ. Mmomu ɔ́sɔ ɔ́tɛ kesii kani na ɔ́tɛ kudeedi mmɔ ku Dawid kabla bablane bammɔ.

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Agba 23:20

Tasiaku ntɛ bekpine ku adikpi badine ɔbladu kama!

Agba 23:21

Ɔsika kɔwaba ulu lɛlɔ na bakɛ bésela. Lɛlɛɛ bɔlɛɛ pii mɔɔyá na beenyimi adikpi.

Yesaia 5:11

Na amii bani mɔɔta ɔtanta tutuutu teelie ntɛ bɔni lɛlɔ teetédu usien lɛdiba ni, Unwoti uwi úudu ka ɔkyula-mii.

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Nahum 1:10

Mmomu ala adubo-ma bunyimi aani kalɛ na liyu alakpi eedie bekyuli iye ntɛ bɔɔda-ma. Ogya ɔdubɔkyula-ma kede kede aani alakpi ani nákwii kalɛ.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.