Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”
“Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.
“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.
Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.
Na si bawɔne bammɔ béti-nwu bésienku-ma anumi ni, lɛla lɛni na ɔdi ka bawɔne bammɔ basu ndi ɔnini, “Bula ubi ɔmɛni ubo atuɔkplu na ɔɔta teenye-bu lɛlɔ na si bɔ́su-nwu lɛla lɛdi uléti na ubo lɛkantakpi na ɔdi ntɛkpine ubendi.”
