Agba 23:10 - Katɔti Ɔku Kedee

¹⁰ Tagyu bati ɔmii ugyii ɔdi na eƒie bekpinebi kalɔ aƒɔ anii beeebo ubunkune ɔdi ɔsu.

Agba 23:10 ပူးပေါင်းရင်းမြစ်များ

Hiob 22:9

Na ɔɔɔdi buni kani na éni bekpinele bubunku, mmomu ábla bekpinebi lɛnɔ ulikplu na éƒie-ma ala áƒɔ.

Hiob 24:9

Bebi bani na bana bati békpi ni, beeyé-ma taasiku bana beni kudɔ na bana bati kayu kenye.

Hiob 6:27

Mɔɔnu ka bɛdubɔkana na bɛtu egulabi na ukpinebi lili, na bɛsɔ bɛdi-nwu kuye, ina ka ɔdi bina ɔkpana ubidi!

Kɔgya 94:6

Baadú bekpinele ku baƒɔ ku bekpinebi lɛnɔ.

Israelƒuɔ Bɔlɛ 22:22

“Na bitabla ukpinele iye ukpinebi ɔdi kalala. Na si ɔdi ɔ́bla unyeƒi ni, amii Unwoti ndubo-ma kenye budie si béwulo bákpali-mi ka baawia mina kebunku.

Agba 15:25

Bekyuli bani mɔɔkɔli lɛlɔ katɔ ni, Unwoti ɔɔbwɛ-ma kɔduli na baayii udu. Nsu ɔɔgyumana bekpinele ala ani na bebo.

Agba 22:28

Teyu ƒula ɔdɔsane ɔdi lɛlakɛ anii aavumana ɔmii ugyii ɔnii na ati bene bálɛ kenyekɔ.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Yeremia 7:5

Ndubɔya na bɛkɛ bɔƒɔ si bɛvumana udu na bɛɛnu bina lɛlɔ kɔnyana na bɛɛbla ala ulu lɛlɔ siin na bɛɛtɛmi litemi geen.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Sakaria 7:10

Bɛsɔ bitabla bekpinele iye bekpinebi iye baƒɔ iye bawabane ulikplu. Na bɛsɔ bitelie bitataakya likpidi bɔbla kɔkwɛ na bina bakpana lɛlɔ ka bɛbla-ma kalala.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Lɛkpa Ulu 19:14

Na ɔdi utavumana ɔmii ɔkukudi ɔni na básia bése na kalɔ kani na bina Unwoti Katɔti úti uute-mii mɛni lɛlɔ.

Lɛkpa Ulu 27:17

‘Ewida asiaku ukyuli ɔni mavumana ɔkpanadi ɔmii.’ Na ɔlɛka bekyuli batuna basu banii, ‘Ɔsia lɛni.’

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.