Agba 22:9 - Katɔti Ɔku Kedee

⁹ Bekyuli bani mbo lɛƒɔndia na beete bawabane ala ni, kusɛ kusɛ ɔdubɔsiaku-ma.

Agba 22:9 ပူးပေါင်းရင်းမြစ်များ

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Agba 11:17

Si aabla lɛƒɔndia ni, awɔ ɔlati ƒula kɔyu mɔɔlɛ́ lili. Nsu si aabla kalala ni, aayila lɛlɔ udu.

Agba 11:25

Bekyuli bani muute bekyuli ala ƒaa ni, ala aadianku-ma na eedú-ma ɔkwɛ. Lɛni kani na bekyuli bani muubunku bekyuli kalɛ na belie ku kayi ƒaa ni, ama alati lɛnɔ badubulie ku kayi ƒaa.

Agba 11:27

Si aawia lɛbuni teete bekyuli ni, bekyuli badubɔnu-ɔ kɔnyana. Nsu si aawia-ma likpidi ni, ɔgbankpi ndubo-ɔ bɔsiaku.

Agba 14:21

Si eekisi ƒula ɔkpana ni, likpidi lɛdi-ɔ. Kusɛ kusɛ ɔdubɔsiaku bekyuli bani muubunku bawabane.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 21:13

Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Agba 28:24

Bawɔne buyu na asu anini, “Ɔmmɔ útebile lɛla lɛdi” ni, use aani ukyuli bɔdu.

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Agba 31:20

Ɔɔnu bawabane kɔnyana na bekyuli bani mɔɔyaki lɛla lɛdi ni, uute-ma ala.

Yesaia 32:8

Na bekyuli babuni ama baawia ulu ɔni lɛlɔ na basia beteebunku bekyuli. Na ɔmmɔ ɔsu na badubɔkɛ kusɛsɛ na benye kpakplaa uwi ƒui.

Mateo 20:15

Mbo kuƒi na lɛblaku mina egulabi kalɛ na mɔɔyɔ́. Anwuɔsu ɔƒɛ utada-mii na mina lɛƒɔndia lɛlɔ.’ ”

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Luka 14:13

Mmomu si aadi limeyi lɛmɛni udu ni, lɔ bawabane ku bekyuli bani naaakana busie kaduɛ ku bani náƒɛ bewi kalɔ ku bani na anumi ábwɛ-ma.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Lɛkpa Ulu 28:56

Na uleku ɔni nse buɛɛ na ubo kasusu geen na ubo akɛla ɔsu na ulesie kesi kesii muedi ni, si bina bekisine bammɔ báda bálɛ ɔma ɔmmɔ kemmo ni, anumi adubugyie uleku ɔmmɔ na adila lɛlɔ. Na ɔdubo bɔbɛ na ɔdu ubidi ɔni na ɔ́wɔ ɔkun ku awɔla ammɔ. Na ulete ɔgyani ɔni na ɔɔyɔ́ iye ubidi bamba lɛna lɛmmɔ lɛdi ɔnii ɔkun.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Petro 1 4:9

Bɛbla lɛƒɔ bite bina bakpana na bɛƒɔ-ma na beduo-mii kudɔ ƒaa na bitakyaku-ma unyeƒi.