Agba 22:8 - Katɔti Ɔku Kedee

⁸ Bekyuli bani na litemi lɛlɔ tadi ulu lɛlɔ ebi na baavá na bekyuli akɔ ni, ɔgbankpi ebi na badubo bɔƒɛ. Na bana liƒu lɛni baakya bekyuli na baadi-ma lɛlɔ kenye kadubo buklo.

Agba 22:8 ပူးပေါင်းရင်းမြစ်များ

Hiob 4:8

Ami lɛ́ɛnu dii, kalɛ na bekyuli bani muunye likyulikpi ala bɔbla lɛlɔ aani kalɛ na ɔtumane uugúlu kalɔ taava edula ni, beedé bana likpidi ebi ani na báva.

Kɔgya 125:3

Katɔti uláya na bekyuli bekpidi badi nwuna bekyuli kedee lɛlɔ. Si ɔɔɔdi lɛni ni, badubɔya na Katɔti bekyuli babla likpidi.

Agba 1:31

na ngba bɔni udu na bilie ni, nwuna ebi na bɛdubo bɔdi. Na ulu ɔni na bɛ́ƒuna ka bɛsia ni, nwuna ala emo-mii.

Agba 14:3

Badɔlɔdi enyekpi muunwíni kugyiimi kɔni mɔɔsia-ma kama. Nsu banundane ala ani na baasu ni, eedie-ma na ɔgbankpi kemmo.

Yesaia 10:25

Bana bukpoku bɔmmɔ buletu uwi. Na uwi klukwii kemmo ni, kɔnyi kɔni na líti lɛ́kya-mii kɔdubo-mi bɔyɔ na bana lɛlɔ mmomu na kɔnyi kɔdubo-mi bɔkɔ kalɛ na lɛkyula-ma.”

Yesaia 10:5

“Bɔbuɛ beete Asiria, mina ugyii ɔni nda ku kɔnyi. Bana enu kemmo na mina kɔnyi ligyiiku lɛkya!

Yesaia 14:29

Ɔƒɛni amii Ƒilistiƒuɔ ni, lɛlɔ litayɔ-mii tɔ bɛnii bina ugyii ɔdadi ɔni ndi ɔga ɔmmɔ ɔ́ƒɛ. Ɔsika kɔlakpi kukpidi ubi ni, use aani kugyii ugyiitu ukpidi bɔta. Kuna ebi adi avan ɔni mɔɔtu ku ugyulo ukpidi.

Yesaia 30:31

Na si Asiriaƒuɔ bénu Katɔti lɛdi ku ala ani na ɔdubo nwuna kɔnu budie na ɔbla mɛni ni, liƒu bonwu lɛdubo-ma bɔda.

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Hosea 10:13

“Nsu bɛ́va likpidi bɔbla ebi na bɛ́ƒɛ ala ani naaakɛ ulu siin lɛlɔ. Na bɛdubɔdi bina ɔkɔ bɔnyi ebi. Ɔsika bɛ́sia amii alati ɔyikun anu ɔni na bɛ́nu ka amii ku bina bekpone nkya ɔsu.

Hosea 8:7

“Ɔsika si ágya ɔƒɛƒɛɛ ni, ɔƒɛƒɛɛ ɔni mɔɔkya ligede na adubo bɔnu. Na kamu kani nátakya ebi kalayu taabla ligyie na bekulo-ka bababla lɛdila lɛdi. Na si ina kákya ebi muedi ni, bekisine badubo-ka buyu bɔtɔlɔku-mii kudɔ ƒui.