Agba 22:23 - Katɔti Ɔku Kedee

²³ Ɔsika Unwoti uukpó teete-ma. Na ukyuli ɔni makya-ma ɔlɛ ni, Unwoti lɛnɔ ɔdubɔkya-nwu ɔlɛ.

Agba 22:23 ပူးပေါင်းရင်းမြစ်များ

Kɔgya 103:6

Unwoti ɔɔtɛ litemi na ulu lɛlɔ siin teete bekyuli bani na balalane baanya taakya.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 12:6

Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

Kɔgya 140:12

Unwoti, ngyi nwaa ka eekpó teete bawabane na ɔgbankpi kemmo. Na aanu bani mɔɔyaki ala lɛlɔ.

Kɔgya 140:13

Sɔsɔ geen ni, bekyuli bani nse siin badubo-ɔ enu bɔgya, ɔsika badubo bulie na ƒula anumi uwi biala.

Kɔgya 35:1

Unwoti, muuvele-ɔ geen nnii bekyuli bani muunye teetile-mi ni, awɔ lɛnɔ nye tile-ma. Na bani nsiaku-mi muukpóku-mi ni, awɔ lɛnɔ kpoku-ma.

Kɔgya 35:10

Na ndubɔsu ku mina kayi ƒui nnini, “Ukyuli ɔdi uuuse aani Unwoti kalɛ.” Ɔsika anwu muudie bekyuli bani nse kpɛtɛ kpɛtɛ taalɛku bayikune bani ntulo-ma enu kemmo. Na uudie bawabane taalɛku bayikune bani ntulo-ma na baanya-ma taakya enu kemmo.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Israelƒuɔ Bɔlɛ 22:22

“Na bitabla ukpinele iye ukpinebi ɔdi kalala. Na si ɔdi ɔ́bla unyeƒi ni, amii Unwoti ndubo-ma kenye budie si béwulo bákpali-mi ka baawia mina kebunku.

Israelƒuɔ Bɔlɛ 22:23

Na si ɔdi ɔ́kya unyeƒi na béwulo bákpali-mi ni, ndubunu bana bɔkpali.

Agba 21:7

Ka belikplune balayɔ ka babla ala ulu lɛlɔ ɔsu ni, bana likyulikpi ala adubo-ma buyu bɔtu na ayila-ma udu.

Agba 23:11

Ɔsika bana Ɔƒɔne ubo ɔyikun geen. Na anwu ɔmmɔ ɔlati ndubɔwia-a litemi.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 50:34

Nsu ami Unwoti Ɔyikune Ƒui ndubo-ma budie na lɛya na bakɛ keyi buɛɛ na bana kalɔ kemmo na bukpoku bubo amii lɛlɔ mmomu.

Yeremia 51:36

“Mina kadi bekyuli, nnye nte-mii na bina kakɛ na ndubo Babilon kasi budie. Ndubo-ma kuƒi butile na basɔ balákɛ ntu kedukɔ, ɔsika bana ketu kadubo bɔkwii.

Mika 7:9

Lɛ́bla likpidi lɛ́ƒiɔ Unwoti, anwuɔsu na lɛkana libo abi si nwuna kɔnyi kúbo-mi lɛlɔ wetédu uwi ɔni na ɔ́nu-mi kɔnyana na ɔ́sɔ ɔ́klibi ami ku-nwu ntɛ na ɔ́ƒɔ-mi. Na ngyi ka ɔdubɔsɔku-mi ubenyene mina kenyekɔ kabuni kammɔ lɛlɔ na lɛnu nwuna bukeye na udie-mi.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Samuel 1 24:12

Muuvele Unwoti ka ɔtɛ litemi lɛmɛni na ami ku-ɔ ntɛ, na anwu ndubo-ɔ kayu bɔƒɔ na ala ani na aabla-mi kenye. Ɔɔɔdi ami ndubo mina kɔnu budie butuku-ɔ.

Samuel 1 24:15

Unwoti kani ndi bula litemi ɔtɛne, na anwu ndubo litemi lɛmmɔ bukulo na ami ku-ɔ ntɛ. Anwu mɔɔnu mina lɛbibo na ɔdubute-mi ubo na udie-mi na ƒula enu kemmo.”

Samuel 1 25:39

Ka Dawid únu ka Nabal úkpi ni, ɔ́su ɔnini, “Bemwi Unwoti, ɔsika ɔ́du Nabal kɔtɔ na lɛla lɛni na ɔ́bla-mi ɔsu. Údie-mi na ńtabla lɛla likpidi lɛdi, mmomu ɔ́ya na Nabal ɔlati likpidi lɛ́sia-nwu lili.” Amu na Dawid ɔ́sia Abigail kenye ka ɔɔyɔ́ ka uti-nwu na unwini ulekudi.