Agba 22:18 - Katɔti Ɔku Kedee

¹⁸ Ɔsika ɔdia geen ka aya na etemila amɛni eduo-ɔ kayi kemmo ƒui na asia-a unyemi lɛlɔ.

Agba 22:18 ပူးပေါင်းရင်းမြစ်များ

Kɔgya 119:103

Ƒula etemila aayu-mi geen teetulo kalɛ na uwɔ ɔɔyu kenye emini.

Kɔgya 119:111

Ƒula ɔda bubo bɔɔyɔ́-mi kaƒɔ na bɔdi mina kese uwi ƒui.

Kɔgya 119:13

Na ɔda bubo bɔni na éte-bu ni, ndubɔkɔ-mu lɛsa lite bekyuli ƒui.

Kɔgya 119:162

Lɛlɔ lɛɛyɔ́-mi na ƒula etemila lɛlɔ aani ukyuli ɔni na ɔ́kɛ lɛkɛ libendi lɛdi.

Kɔgya 119:171

Ndubo mina kenye bubimi na limwi-ɔ, ka awɔ nátina-mi ƒula ɔda bubo ɔsu.

Kɔgya 19:10

Ɔlɛka bɔwia nwuna ɔda bubo butulo sika ugyiedi ɔni nse sɛɛn utulo ƒui iye uwɔ ɔni na bátasa ntu.

Agba 10:13

Bekyuli bani muunú ala kalɔ ni, baatɛmi lɛnunda etemila. Nsu badɔlɔdi ama ni, kegyiimi na badubuti bani-ma kɔtu.

Agba 10:21

Bekyuli babuni baalɛ ukyuli ulu ɔbuni lɛlɔ. Nsu bekyuli bekpidi ama baayii udu na bana lɛla tati ɔsu.

Agba 15:7

Banundane kani mɔɔkana na baakya ukyuli kasusu buni. Na badɔlɔdi balakana ɔmɛni bɔbla.

Agba 16:21

Banundane ni, baanu-ma taati ɔkɛnku kalɛ na beenú ala kalɔ kenye. Si ásia ulu ɔbuni lɛlɔ átina ukyuli ala ni, anwu mɔɔyá na ɔɔƒɔ́-ɔ litemi ku ebiti.

Agba 2:10

Ɔsika lɛnunda lɛdubuduo-ɔ kayi kemmo na lɛlati lɛƒɔ-ɔ kɔyu kemmo ku ebiti.

Agba 22:19

Mɔɔtina-a ala ɔmwi. Geen ni, awɔ mɔɔtina lɛla lɛdi kalɛ na ƒula anu ƒui asia Unwoti lɛlɔ.

Agba 25:11

Kasusu kani beete ukyuli na uwi ɔbuni lɛlɔ use aani adingyii ebi ani négyie kaduɛ na bátɛ-nya bákya sika ɔƒualadi lɛkyami kemmo.

Agba 3:17

Nwuna lilu lɛdi kasiakɔ kabuni. Na lɛdi keyi buɛɛ lilu.

Agba 4:20

Ubi, nu lɛla lɛni mɔɔsu-ɔ kaduɛ. Na ƒula kasusu kasia litemi biala lɛlɔ geen.

Agba 4:21

Taya na mina etemila avi-ɔ anu. Mmomu ya na eduo-ɔ kayi kemmo geen.

Agba 8:6

Bise atu na binu! Ɔsika ndanku ala abuni geen na ndubo-mii bɔsu. Ala ani ndi ulu na muubimi mina kenye taatɛmi.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Malakai 2:7

“Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Yohane 7:38

Lɛni na Bunweni Kedee Ɔku ɔ́su ɔ́siku ukyuli ɔni mɔɔƒɔ́-mi taadi lɛlɔ ɔnini, ‘Abiɔ ani naaakwii na aayá na ukyuli uulie ngba ntu bɔdubo butaagba taasiku-nwu kayi kemmo.’ ”

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.