Agba 22:11 - Katɔti Ɔku Kedee

¹¹ Ukyuli ɔni mɔɔwia ka nwuna kayi kemmo kese sɛɛn na ɔɔtɛmi lɛƒɔndia etemila ni, ɔdi ɔga ɔkpana.

Agba 22:11 ပူးပေါင်းရင်းမြစ်များ

Baga 1 4:5

Na Natan ubidi Asaria mɔɔnu kɔlɛkɛ kɔmmɔ aban bagadine lɛlɔ. Na Natan ubidi Sabud ndi ɔkpane ku ɔga kasusu ɔkyane.

Ester 10:3

Na ɔga ɔmmɔ kama ni, Mordekai kenyekɔ ndi kenengudi ƒui kani na kasɔ kasia na nwuna lɛga kadikɔ mmɔ. Na Mordekai ɔmɛni ɔdi Yudaƒuɔ ɔtɔnkune ɔni na ɔ́ƒɔ lɛnyi geen, ɔsika ɔ́da-ma geen na ɔɔtɛmi teete ɔga muedi na bana kenye si lɛla lɛdi líbo.

Kɔgya 101:6

Ndubɔsia anu na bekyuli bani mɔɔdi Katɔti litemi lɛlɔ na kalɔ kamɛni lɛlɔ na ami ku-ma bulie. Na bekyuli bani mɔɔbla ala ulu geen lɛlɔ ni, ama ndubɔbla-mi kabla.

Kɔgya 24:4

Bekyuli bammɔ udu ndi bani enu ku kayi kemmo nse sɛɛn na béteti bana anu bátasia lɛƒiɔkpa lɛlɔ iye bataanyi ɔkɔ taakpali ala.

Kɔgya 45:2

Awɔ mɔɔdia bɔnu teetulo bayawine bebi ƒui akɔ. Na lɛƒɔndia etemila akya-a kenye kemmo geen, anwuɔsu na Unwoti Katɔti úte-ɔ kusɛ kusɛ úsela uwi ƒui kemmo.

Agba 14:35

Lɛlɔ lɛɛyɔ́ ɔga na kabla bablane bani ngyi bana kabla na baabla-ka ulu lɛlɔ lɛlɔ. Na bani na lɛsɛ kani na baakya na balásia kabla anu ni, ɔɔkɛ́ku-ma kɔnyi.

Agba 16:13

Bekyuli bani enyekuli mɔɔtɛmi ala ani nse siin mɔɔyɔ́ ɔga kaƒɔ. Na ɔɔyɔ́ bani mɔɔsu litemi geen lɛni nkɛ ulu lɛlɔ mmɔ.

Agba 22:12

Unwoti ɔɔgyumana ukyuli ɔni mbo lɛlati, na uubile ɔkɔ ɔnyine kɔkwɛ kɔni na ɔɔkya.

Etemila 10:12

Ɔnundane etemila ani mɔɔlɛ́-nwu kenye aatina lɛƒɔndia. Nsu ɔdɔlɔdi etemila mɔɔyila-nwu udu.

Daniel 3:30

Na ala amɛni bɔlɛ bɔwɔlɔ kama ni, ɔga ɔ́sɔ ɔ́ƒuna Sadrak ku Mesak ku Abednego útényene kesii kani na kásɔ kákuku ketulo ƒui na Babilon lɛga kadikɔ kalɛkɛ kammɔ lɛlɔ.

Mateo 5:8

Lɛlɔ litaayɔ bekyuli bani kayi kemmo nse nwaa. Ama ndubunye Katɔti anumi.

Luka 4:22

Na nwuna etemila ani na ɔɔsu áda-ma kayi geen, na kalɛ na unyemi lɛnɔ ɔɔta-nwu útakɔsi na ɔ́bla-ma dɛye dɛye. Na béye lɛlɔ banini, “Ɔɔɔdi Yoseƒ ubidi ɔmmɔ na ɔdi mɛni yoo?”