Agba 21:31 - Katɔti Ɔku Kedee

³¹ Si ina dɛ báklibi bapɔnkɔ béte kekpo ni, Unwoti kani mɔɔyá na baadi lɛlɔ.

Agba 21:31 ပူးပေါင်းရင်းမြစ်များ

Samuel 2 23:12

Nsu Sama anwu útenwini kama mmomu únye kalɔ kammɔ kemmo na úkpoku-ma na úbeyi Ƒilistiƒuɔ ɔ́du geen na ɔ́ƒɔ-ka. Na Unwoti ɔ́ya na ɔ́di-ma lɛlɔ geen.

Kɔgya 144:10

awɔ ɔni mɔɔyá baga baadi kekpo lɛlɔ. Awɔ muukpó teete ƒula kabla ɔblane Dawid na aaƒɔ́-nwu na nwuna bekisine ekpola aladi-nwu lɛlɔ.

Kɔgya 147:10

Bekyuli bani néti bana anu básia bapɔnkɔ ɔyikun iye bekpone bani nkɛ lɛgba lɛlɔ ka wedie-ma, balayɔ Unwoti Katɔti kaƒɔ.

Kɔgya 20:7

Na kekpokɔ ni, badi béti bana anu básia bapɔnkɔ ku bapɔnkɔ kɛɛkɛ ɔyikun lɛlɔ. Nsu abu búti bula anu bɔ́sia Unwoti Katɔti lɛlɔ.

Kɔgya 20:8

Bani anumi nsia ala ammɔ lɛlɔ ni, badubo kalɔ bubo na bebuli. Nsu abu ni, Unwoti Katɔti ɔdubo-bu katɔ bɔkɔliku na bunye kpakplaa.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Kɔgya 3:8

Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.

Kɔgya 68:20

Unwoti ɔni ntulo ƒui ndi bula Katɔti ɔni muubunku-bu na uudie-bu kukpi kemmo.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Yeremia 3:23

Bɔ́kpa baƒiɔ na abi ammɔ eli ku kɔvanu momoomo, nsu ɔmmɔ ƒui ukpludi na ɔdi, ɔsika awɔ lɛti kani ndubɔkana ka aƒɔ-bu ngba.

Korintoƒuɔ 1 15:57

Nsu bɔɔgyá Katɔti enu. Anwu náya na bɔ́di lɛlɔ ɔkɛnku Blɔti Yesu Kristo lɛlɔ!