Agba 21:24 - Katɔti Ɔku Kedee

²⁴ Bekyuli bani mɔɔkun lɛmɛnɛ na baatalaku lɛlɔ katɔ na baanu ka ama kani ntulo ni, baata teenye bekyuli lɛlɔ uwi biala.

Agba 21:24 ပူးပေါင်းရင်းမြစ်များ

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 19:29

Bekyuli bani muudumi bekyuli taama ni, Unwoti ɔdubo-ma kɔtu bɔni. Na badɔlɔdi kama kadubo kugyiimi butaaƒɔ.

Agba 24:9

Na ɔdɔlɔdi kɔkwɛ ni, ekpidi sɔɔn na adi. Na ukyuli ɔni muudumi bekyuli taama ni, ɔdi balayɔ-nwu.

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Agba 6:17

ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,

Yesaia 16:6

Mmɔ na ama básu banini, “Búnu Moab kadi bekyuli lɛlɔtina. Na bɔ́ti kalɛ na beekú lɛlɔ na balábu, ku kalɛ na baakɔliku lɛlɔ katɔ ukpludi.”

Yesaia 29:20

Na balalane ku belikplune ƒui badubo udu bɔyii. Na bani mɔɔsa lili likpidi na lɛsɛ ala bɔbla lɛlɔ badubo bɔyii kɔnakunwi.

Yeremia 48:29

“Ngyi kalɛ na bɛɛtalaku lɛlɔ katɔ na bígyingya enu bɛɛkun lɛmɛnɛ taavi.

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.