Agba 21:2 - Katɔti Ɔku Kedee

² Ukyuli ɔɔnu ka ulu ɔni lɛlɔ na ɔkɛ ɔdia geen, nsu Unwoti mɔɔnu-nwu kayi kemmo taati kalɛ na kese.

Agba 21:2 ပူးပေါင်းရင်းမြစ်များ

Hiob 31:6

Ya na Katɔti ɔlati ɔkɔku-mi ɔnu na unu lɛkɔkula lɛbuni geen lɛlɔ, na ɔnu si lɛ́bla-nwu likpidi lɛdi.

Kɔgya 36:2

Na kalɛ na baanu lɛlɔ katɔ katɔ ɔsu ni, bana likyulikpi líse-ma lisusu na balánu alaekpidi ani na baabla taati na beni-nya.

Agba 12:15

Badɔlɔdi mɔɔkali banii baláwia ka ukyuli ɔdi ɔkya-ma kasusu. Nsu banundane beesé atu teenu bekyuli bamba bɔlɛ.

Agba 16:2

Bekyuli baanu ka bana ablala akɛ ulu ɔbuni lɛlɔ. Nsu Unwoti mɔɔkɔ́ku lɛla biala taanu kalɛ na lɛdia.

Agba 16:25

Ukyuli biala ɔɔnu kasiakɔ kadi na nwuna ngba kemmo ka nka kadia. Nsu ulu ɔmmɔ kawɔlɔkɔ ni, kekpine kani na ɔɔdá taalɛ.

Agba 17:3

Ogya kemmo baakya sika ugyiedi ku ɔƒualadi taanu-nwu bɔdia. Nsu Unwoti ni, ukyuli kayi na ɔɔkɔ́ku taanu-nwu bɔdia.

Agba 20:6

Bakpana pii baasu ka badi bakpana buni bani naaalɛ bana bakpana kama, nsu ɛlɛɛ na badubɔnu na bana akɔ ka baadi bana litemi lɛlɔ sɔsɔ.

Agba 24:12

Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Yakobo 1:22

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”